Romanɛ 13:11 - ONUGBÙ NYƐNYÃ VUVƆ

¹¹ Klɛ bhɛtɛ kɛɛnɛ sɛ no nu kibee nɛ mɛ so. Ɔɖɔ nɛ mɛ ɔna sɛ tɛ nɔ nyɛmɛ denɔ wɔnɔ tra nɛ mɛ, alasɛ bulɔ tɛyɛyɛkɛkɔ nɛ tsobunɔ lɔ ɔtsɔ̃ nɛ dɛ kana gɛ bu yɛkɛŋa putɔnɔ.

Romanɛ 13:11 ပူးပေါင်းရင်းမြစ်များ

Mateo 16:3

klɛ nɛ kɛvulɔ mɛ, ‘Obo kɛlɛ ba fu, alasɛ owũsise nɛ ɔdzã klɛ lɔ da gblo.’ No nyi kana gɛ nɔ bɔ kla owũsise nɛ obu ɔlɛe si, pɔ nɔ tɛ ɔna kibe nɛ mɛ kɛdɔmumɔ nɛe si bu.

Luka 21:28

Kibenɔ nɛ gɛ ebuianɛ la kpɛesi aba, lɔɛ titi tɛ ofeke wunɔ atɔkpu owunɔ, alasɛ wunɔ tɛyɛyɛkɛ tso bunɔ.”

1 Kɔrintioanɛ 10:11

Ebuia nɛ aba bɛlɛ abha sɛ tɛ kidzi kɛdɔkɛkasɛ klɛ ba ŋlɔmɛ elu anasɛ tɛtsitsrenɔ kɔ lɔ nɛ agɛ aba za nɛ kanɔ nɛ obeke kɔ gɛ ɔbɔ ba.

1 Kɔrintioanɛ 15:34

Nɔ tsodzi ɔvɛ ishui mɛ tɛ nɔ zukɔlɔ ebui kpã bhɛbhɛtɛ, alasɛ beteli alɛ gɛ be tinyi Kpaya—ɛɖɔ kibui nɛ kɔ nɔ tɛ kwɔ̃ɛ ku nɔ.

Efesoanɛ 5:14

alasɛ kifu kɛlɛ kɔ kɛdɔnyɛdɔ kɛ wɔɛ̃. Kana so gɛ kɛ ɖɔ sɛ: “Nyɛmɛ, O anɔ gɛ adɔ tra, lɔ koeyi nɛ betsitsi nɛ shi, klɛ Kristo aba tã atrɔ wɔa bha.”

Yakobo 5:8

Wɔnɔ tsyɛ, nɔ dɔ fɔ̃ɔ tɛ nɔ za gɛganɛ, alasɛ Apalete nɛ tɛbɛba tsuu ba.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

2 Petro 3:11

Nɛ kibelɛlɛ gɛ kɛdɔnyɛdɔ bazi nɛ kɛ dzoe nɛabha, banɔ ɖuweɖu di nɔ bɔ dzi? Kɛlɛsɛ tɛ nɔ za nɛ ɛkpã tɛ ɛlɛ shu ibhui klɛ tɛ nɔ za kpayamɛ

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

Tɛbubukasɛ 1:3

Bayula anɔ nɛ gɛ aakla ebui nɛ gɛ ede kibuiɖuɖɔlui nɛ mɛ, klɛ bayula bagɛ balɛ enui lɛ klɛ ba yɛkɔ kɛgɛ ba ŋlɔmɛ nɛ akpɛ balɛ idzyi mɛ, alasɛ kibe nɛ tsobunɔ.

Tɛbubukasɛ 22:10

Ɔkɛlɛ etsrem asɛ, “Tɛ da ebui nɛ dɔ nɛ ebuiɖuɖɔlu keplukpɛa nɛm, alasɛ kibe nɛ tsuu ba.

Tɛbubukasɛ 22:12

“Di, ɛba kpataa! Mɛ kɛbhɛbubuya nɛ lɛ mɛahwɛ, klɛ ɛba kɔ anɔnyanɔ nɛ kɛbhɛtɛ nɛ gɛ abhɛtɛ nɛ nu.

Tɛbubukasɛ 22:20

Anɔ nɛ gɛ amɔaɖɔ nɛ ebuia nɛ shu nɛ aɖɔ sɛ, “Ee, Ɛba kpataa.” Tɛlɛbɛlɛm. Ba Apalete Yesu.