Romanɛ 12:1 - ONUGBÙ NYƐNYÃ VUVƆ

¹ Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

Romanɛ 12:1 ပူးပေါင်းရင်းမြစ်များ

Luka 7:47

Klɛso, ɛtsre wɔ sɛ, ba tsaodi akpɛ yɛ ebuizizi nɛ petee mɛ—alasɛ adɛmɛ anɔ kibui mɔmɔ dɛ. Pɔ agɛ ba yɛkɔ kibhliyi etsye adɛmɛ bhliyi.”

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Romanɛ 15:30

Madzyalɛ mɔ, itsre nɔ sɛ, ganɔ bulɔ Apalete Yesu Kristo nɛ Ɔfufɔɛ nɛ anɔɖuɖɔ nɛa bha sɛ, nɔ taplɛnɔ mɛ nɛ mɛ tɛwɛwlãkɛ nɛm ganɔ Kpaya kuklum ɔkɔ mɛ.

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

Romanɛ 6:16

No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

1 Kɔrintioanɛ 1:10

Nɛ bulɔ Apalete Yesu Kristo nyi mɛ, madzyalɛ mɔ ɛkpɛ lɛ nɛ wunɔ ɔkɔ sɛ, wunɔ petee nɔ za terikpo nɛ aglɔ sɛ tɛ tɛpupɔɛhle kɛta za wunɔɛ shi klɛ sɛ tɛ nɔ bhɛtɛ terikpo mɔmɔ nɛ́ wunɔ atɔkpu mɛ anɛ alɛmɛ tɛbhɛbhɛtɛ.

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

2 Kɔrintioanɛ 4:16

Kɛlɛso bu tɛ bakɔ idzyi ekoeyi nɛ bulɔɛ te. Kɛlɛlɛmɛ sɛ ɔtɔ nɛ bu tsɔmɔ koeyi, pɔ nɛ́ kɛmɛnɛmɛ ba bhɛtɛ lɔ avuvɔ kiwui nyɛ wui.

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Efesoanɛ 5:10

klɛ nɔ pɛɛ kɛdɔnɔ gɛ kɛ ku Apalete nɛ awɔ̃.

Filipianɛ 1:20

Ɛpɛɛ gɛganɛ klɛ idi kidzoenu sɛ kɛwɔɛ̃ tɛ baku mɛ nɛ kidzonyɛdzo abha, pɔ ɛba za kitekpɛkpɛ abha gelee sɛ tɛ ɔtsɔ̃ nɛɛ anasɛ gɛ Kristo aba nyɛmɛ nɛ mɛ mɛ kibenyɛbe, onu sɛ ɛkpã mɛ ɔdɔgɔsɛ butsi mɛ tsyɛ.

Filipianɛ 2:17

Pɔ tsyɛ onugɛ ba balɛ mɛ elu ansɛ bulu bɛbalɛesi anɛ tɛyɛyɛkɔkɔ nɛ kɛxwɛwa gɛ de wɔnɔ tɛyɛyɛkɛŋa nɛ mɛ ba, ki ku mɛ awɔ̃ klɛ mɛ mɔ same nɛ wɔnɔ petee.

Filipianɛ 4:18

Ɛtɛ yɛkɛ kɛbhɛbubuya nɛna, klɛ ɔyɛkɔdɛ kuratsyɛ, ɔtsɔ̃nɛ gɛ ɛtɛ yɛkɔ dɔ gɛ nɔ sɛsɛ mɛ denɔ Epafroditu abha. Kɛdɔ nɛ nu anasɛ buŋa nɛ tã gɛ ku Kpaya awɔ̃.

1 Tɛsolonianɛ 4:1

Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.

1 Tɛsolonianɛ 4:10

Klɛ nɛ kɛgba mɛ, nɔ ɖɔ badzya nɛ petee nɛ Makedonia. Tsyɛ bu tsre nɔ, badzya mɔ, sɛ nɔ bhɛtɛ ana otsodzini ɔbhɛtɛ.

1 Tɛsolonianɛ 5:12

Ɔtsɔ̃, badzya mɔ, bu bisi denɔ wɔnɔ kɔ sɛ nɔ tatɔ nɛ bagɛ ba wa kɛxwɛ gɛganɛɛ nɛ wɔnɔɛ shi, gɛ balɛ kabha kɔ nɔ nɛ Apalete nɛ mɛ pɛ ba kasɛ nɔ ɔtsrɛ odzukɔ.

1 Timotio 2:3

Kɛɛ nɛ kɛlɛ bɔ, klɛ kɛlɛ ku Kpaya bulɔ Ayɛyɛkɛkɔ nɛ awɔ̃,

1 Timotio 5:4

Pɔ onu gɛ beyi nɛ beshui alɛ anyɛtsi teli ahwɛ, balɛ alasɛ tɛ kpɛ otugba ba kpasɛ kana gɛ ba ba yɛkɔ balɛ busɔlɛ ebui nɛ akpɛ tɛbhɛbhɛtɛm ganɔ balɛ nahwɛ bupa nɛa bha didi mɛ, tɛ kidzi kɛbhɛ bubuya kɔ balɛ eni anɛ aka anɛ balɛ enishe anɛ bakashiealɛ, alasɛ kana mɛ bui kɛlɛ ku Kpaya awɔ̃.

Filimɔnɛ 1:10

ibisi denɔ wɔ ahwɛ mɛ kɔ mɛ eyi Onesimusɛ, gɛ edzi mɛ eyi nɛ kibe lɛ gɛ ɛza bɔɖɛ mɛ.

Filimɔnɛ 1:9

pɔ ibisi denɔ wɔ ahwɛ mɛ nɛ tɛɖuɖɔ shu so. Mɛ ɔtsɔ̃, ansɛ Paolo ana, gɛ inu anɔshishe klɛ ɔtsɔ̃ tsyɛ idzi anɔ gɛ akpasɛ buvu nɛ Kristo Yesu,

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.

1 Petro 2:20

Pɔ kɛ dzyɔgo ɖuweɖu lɛ ba dzi kɔ wɔ onugɛ ɔbhɛtɛ kɛdɔzizi klɛ be tu wɔ pɛ ɔza kɛlɛ nu? Pɔ onugɛ ɔmɔ butɔ nɛ kibui dzyɔgo bhɛbhɛtɛ mɛ klɛ ɔza kɛlɛ nu, Kpaya tɛdɛdɛmɛ lɛ nu.

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.