Romanɛ 10:6 - ONUGBÙ NYƐNYÃ VUVƆ

⁶ Pɔ tɛnɛnamɛzɛza nɛ gɛ de tɛyɛyɛkɛŋa mɛ nɛ ɖɔ sɛ: “Tɛ ɖɔ nɛ wɔ idzyim ɔsɛ, ‘Anee gɛ ebe wu avɛ owũsise?’ ” (kɛlɛ nu sɛ, tɛ ozhinɔ Kristo ɔmɛna kesi)

Romanɛ 10:6 ပူးပေါင်းရင်းမြစ်များ

Yohanɛsɛ 6:33

Alasɛ gbɛ̃gbɛ̃vu nɛ gɛ kɛ de Kpayɛa kɔ kɛlɛ nu anɔ nɛ gɛ ezhi de owũsise aba, klɛ akɔ ɛkpã kanɔ.”

Yohanɛsɛ 6:38

Alasɛ ede owũsise aba anɛ sɛ tɛ ɛba bhɛtɛ mɛnahwɛ tɛtɛtrɔ pɔ tɛ ɛbhɛtɛ yɛ tɛpɛpɛɛ agɛ yɛ akpɛ mɛ.

Yohanɛsɛ 6:58

Kɛɛ nɛ nɛ nu gbɛ̃gbɛ̃vu gɛ de owũsise ba. Wunɔ bakashishe ba tã manna klɛ be tsi pɔ anɔ nɛ gɛ atã gbɛ̃gbɛ̃vui nɛ aba za nɛ ɛkpã mabeke mabeke.”

Romanɛ 3:22

Tɛnɛna nɛɛ di denɔ Kpaya ɔkɔ kɛɛ ba ganɔ tɛyɛyɛkɛŋa nɛ Yesu Kristom kɔ bagɛ ba yɛkɛaŋa nɛ petee. Ɔtɔgɛga ɔma,

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 4:13

Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ.

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.