Romanɛ 1:8 - ONUGBÙ NYƐNYÃ VUVƆ

⁸ Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

Romanɛ 1:8 ပူးပေါင်းရင်းမြစ်များ

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Luka 2:1

Nɛ kibelɛlɛ Kaezaro Augusto akpɛ ɔshã sɛ ba kla banɔ nɛ Rɔma ɛma petee mɛ.

Axwɛwɛwa 11:28

Balɛ ɔmayɛ teli, gɛ be klu asɛ Agabus nɛ alɔ klɛ ganɔ Ɔfufɔɛ mɛ, aɖɔ elua sɛ bubhɛ tsutsɔmɔ tuli badɔ gɛ buba yɛkɛ Roma kanɔ nɛm petee. (Kibui nɛ bɛlɛm nɛ Klauɖius bukusi ŋabe.)

Axwɛwɛwa 28:22

Pɔ nɛɛ bu pɛ sɛ tɛ bu nu denɔ wɔkɔ kana gɛ wɔ kɛdɔmumɔ nɛ lɛ, alasɛ bu nyi sɛ banɔ nɛ ɔkɔnyɔkɔ naa ɖɔ kaɖɔ kpã nɛ ɔha nɛ shu.”

Romanɛ 10:18

Pɔ ibisi sɛ: Be di nu kibui? Kɛgba be nui lɛ asɛ: “Balɛ oli nɛm oti yi ɔvɛ kesukpa nɛa bha petee, balɛ ebuiɖuɖɔ la vɛ kanɔ nɛ ibekekɔ.”

Romanɛ 16:19

Anɔnyanɔ eti nu wɔnɔ batɔtɛta nɛɛ dɔ, kɛlɛso, iyuku nɛ same nɛ wɔnɔ shu; pɔ ɛpɛɛ sɛ tɛ no tii bui odenɔ kɛgɛ nu kɛdzyɔgo nɛ shu, klɛ tɛ no ti kɛkanyaka denɔ buzizi shu.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

1 Kɔrintioanɛ 1:4

Ɛhu Kpaya ahwɛ kibenyɛbe nɛ wunɔɛ tɔkpu alasɛ yɛ ɛyɛmɛyuyɔ gɛ akɔ nɔ ganɔ Kristo Yesu abha.

2 Kɔrintioanɛ 2:14

Pɔ ahwɛhuhu yɛ nu Kpaya ayɛ, gɛ agbanɔ lɔ kibenyɛbe nɛ Kristo kabhaŋɛŋa kidzogɛga mɛ klɛ ɔganɔ bulɔ abha Kristo tɛ lɛlɔ̃ huhuhu kɔ yɛ kibuititi kana ɔkɔnyɔkɔ.

Efesoanɛ 1:15

Alasɛ kibui nɛ so, denɔ kibelɛlɛ gɛ wɔnu ɛnɔ tɛyɛyɛkɛŋa nɛ Apalete Yesu abha klɛ wɔnɔ tɛtɛdɛdɛmɛnanɔ kɔ kpayabanɔ petee,

Efesoanɛ 1:16

ɛka zukɔlɔ ahwɛhuhu nɛ wɔnɔɛ tɔkpu, ɛbaka wɔnɔɛ bui nɛ kpayakuklu mɛ.

Efesoanɛ 3:21

kɔ yɛ kɛlɛ nu busɔlɛha kabhaŋɛŋa anɛ busɔlɛɔha nɛ̀ Kristo Yesu mɛ ganɔ tɛmumɔ petee mɛ, denɔ ɔtsɔ̃ nɛ ɔyɛkɔ vɛnɔ! Tɛlɛbɛlɛmɛ.

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Filipianɛ 1:3

Ɛhu mɛ Kpaya ahwɛ kibenyɛbe gɛ ɛbaka wɔnɔɛ bui.

Koloseanɛ 1:3

Kibenyɛbe buhu Kpaya ahwɛ, Aka kɔ bulɔ Apalete Yesu Kristo ki be gɛ bu klukpaya kɔ nɔ,

1 Tɛsolonianɛ 1:2

Kibenyɛbe bu hu Kpaya ahwɛ kɔ nɔ petee, bu kulu nɔɛ nyi nɛ Kpaya kuklum.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

2 Timotio 1:3

Ihu Kpaya nɛ gɛ yɛ mɛ wa kɛxwɛ kɔ nɛ ahwɛ, ansɛ gɛ makashihealɛ nɛ ba bhɛtɛ, nɛ idzyim dɛdanɛ mɛ, ansɛ gɛ ɛbaka wɔɛbui nɛ mɛ kpayakuklum elishi nɛ kemuze.

Filimɔnɛ 1:4

Kibenyɛbe ihu mɛ Kpaya nɛ ahwɛ ansɛ gɛ ɛbaka wɔɛ bui nɛ mɛ kpayakuklu mɛ,

Hebriuanɛ 13:15

Kɛlɛso, ga Yesu abha, tɛ bu kɔ Kpaya kɛdɔ gɛ nu kɛdɔ pupɔɛ kɔ yɛabhaŋɛŋa—eyuyu ɛnugbu nɛ gɛ lɛ bu yɛ kinyi nɛ akasɛ.

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.