Romanɛ 1:7 - ONUGBÙ NYƐNYÃ VUVƆ

⁷ Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Romanɛ 1:7 ပူးပေါင်းရင်းမြစ်များ

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 9:13

Ananiasɛ adɛmɛ asɛ, “Apalete,” “Ɛtɛ nu ebui gele denɔ anyɛa nɛ shu nɛ kɛdɔ nɛ gɛ eti zi nɛ wɔ banɔ nɛ gɛ balɛ shu dana nɛ Yerusalɛm.

Romanɛ 1:6

Klɛ wɔnɔ tsyɛ ɔkpasɛ banɔ nɛ gɛ be kulu sɛ tɛ be dzi Yesu Kristo ayɛ.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

Romanɛ 8:28

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

Romanɛ 9:25

Ansɛ gɛ aɖɔ nɛ Hoseya mɛ asɛ: “Ɛba kulua lɛ ‘manɔalɛ’ gɛ edi nu manɔalɛ; klɛ mɛ ba kulu adzɛ nɛ sɛ ‘mɛaɖɔyi’ gɛ edi nu maɖɔyi,”

1 Kɔrintioanɛ 1:24

pɔ kɔ bagɛ Kpaya ekulu, editabha Yuɖanɛ anɛ Grikianɛ, Kristo enu Kpaya kemi anɛ Kpaya kibuinyinyi.

1 Kɔrintioanɛ 16:23

Apalete Yesu yɛ ɛyɛmɛyuyɔ za plɛnɛ nɔ.

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

Galatianɛ 6:18

Bulɔ Apalete Yesu Kristo yɛ dɔkukɔ kɛ za nɛ wɔnɔ ɔfufɔɛ, madzyalɛ. Tɛlɛbɛlɛm.

Efesoanɛ 1:2

Kɛdɔkukɔ anɛ ishuyuyɔ kɔ nɔ denɔ Kpaya bulɔ Aka anɛ Apalete Yesu Kristo kɔ.

Efesoanɛ 6:23

Ishuyuyɔ kɔ badzya, anɛ̀ tɛɖuɖɔ plɛnɔ tɛyɛyɛkɛŋa denɔ Kpaya Aka anɛ Apalete Yesu Kristo ɔkɔ.

Filipianɛ 1:2

Ɛyamɛyuyɔ anɛ ishuyuyɔ nɛ kɔ nɔ dɛnɔ Kpaya bulɔ Aka anɛ Apalete Yesu Kristo ɔkɔ.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Filipianɛ 4:20

Ba bakpɛ bulɔ Kpaya anɛ Aka nɛ nyi nɛabha denɔ mabeke mabeke mɛ. Kɛbɛlɛmɛ.

Filipianɛ 4:23

Apalete Yesu Kristo kɛdɔkukɔ kɛ za plɛnɔ wɔnɔ ɔfufɔɛ. Tɛlɛbɛlɛm.

Koloseanɛ 1:2

Kɔ banɔnɛna nɛ badzya nɛ gɛ bayɛkɛŋa nɛ Kristo mɛ nɛ Kolose: Ɛyɛmɛyɛyɔ anɛ ishuyɛyɔ kɔ nɔ denɔ bulɔ Aka Kpaya ɔkɔ.

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 1:4

Alasɛ bu nyi, badzya mɔ gɛ Kpaya aɖɔ, so pɛ ekulu nɔ,

1 Tɛsolonianɛ 4:7

Alasɛ Kpaya adɛ bhɛtɛ lɔ sɛ tɛ bulɔ shu tɛ bhui, pɔ bu za nɛ ɛkpã gɛ ɛlɛ shu bhui.

1 Tɛsolonianɛ 5:28

Bulɔ Apalete Yesu Kristo eshutukubui didi aza plɛnɔ nɔ.

2 Tɛsolonianɛ 1:2

Eshutukubuididi nɛ ishuyuyɔ kɔ nɔ denɔ Kpaya Aka anɛ Apalete Yesu Kristo ɔkɔ.

2 Tɛsolonianɛ 3:16

Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.

2 Tɛsolonianɛ 3:18

Bulɔ Apalete Yesu Kristo eshutukubui didi nɛ aza plɛnɔ wɔnɔ petee.

1 Timotio 1:2

Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

1 Timotio 6:2

Bagɛ balɛ apaletealɛ nɛ nu banɔ gɛ ba yɛkɛ aŋa, kɛ ma sɛ tɛ ba kɔa lɛ bubu bhli, alasɛ be nu badzya. Nɛ kɛlɛ mɛ, kɛlɛ sɛ ba dɛ balɛ axwɛ nɛ mɔmɔ adɛa na, alasɛ bagɛ balɛ amɔ kɛdzyɔgo edenɔ balɛ axwɛdɛdɛ nɛ mɛ nɛ nu banɔ gɛ bayɛkɛaŋa, klɛ ba lɛ balɛ idzyi shu. Ebuia nɛɛdi ala lɛ sɛ tɛ nɔ kasɛ tɛ nɔ yɛkɔ olua lɛ amɛ.

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 4:22

Apalete nɛ aza plɛnɔ wɔ ɔfufɔɛ. Ɛyamyuyɔ za plɛnɔ wɔ.

Titusɛ 1:4

Kɔ Titusɛ, mɛ eyianyɛ nɛ kɛgbɛagba mɛ nɛ bulɔ tɛyɛyɛkɛŋa tite mɛ, Ɛyamyuyɔ anɛ ishuyuyɔ denɔ Aka Kpaya anɛ Kristo Yesu bulɔ Ayɛyɛkɛkɔ nɛ ɔkɔ.

Filimɔnɛ 1:25

Apalete Yesu Kristo ɛyamyuyɔ nɛ za plɛnɔ wɔ ɔfufɔɛ.

Filimɔnɛ 1:3

Ɛyamyuyɔ anɛ ishuyuyɔ kɔ wɔ denɔ Kpaya bulɔ Aka anɛ Apalete Yesu Kristo.

Yakobo 1:1

Mɛ Yakobo, Kpaya nɛ Apalete Yesu Kristo axwɛdɛ, Kɔ amadi lɔfɔntabha nɛ amadi nɛshi: Ɛsɛnɛ nɔ.

1 Petro 1:15

Pɔ anasɛ agɛ eklu nɔ yɛ shu bhui, kɛlɛso nɔ kɔ wũnɔ shu bhui nɛ́ alɛ petee gɛ nɔ bhɛtɛ,

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

2 Yohanɛsɛ 1:3

Kɛdɔkukɔ, eshutukubui anɛ̀ ishuyuyɔ denɔ Kpaya Aka anɛ̀ Yesu Kristo, Aka nɛ ye Yi aba za bulɔ bha nɛ́ kibui gbɛagba anɛ̀ tɛdɛdɛmɛnɔ.

Tɛbubukasɛ 2:1

“Kɔ kpayaxwɛdɛ nɛ Efesusɛ busɔlɛɔha nɛ mɛ ɔsɛ: Ebui ɖuɖɔa nɛ alɛ nu agɛ evunɔ awɛ̃wɛ̃ tegene nɛ yɛ kɛŋa ɔhwɔɛ nɛ mɛ klɛ aaga fla nɛ sɛkadzɛdzã kanɛgbɛsi tigene nɛ shi sɛ:

Tɛbubukasɛ 2:12

“Kɔ kpayaxwɛdɛ nɛ Pɛgamum busɔlɛɔha nɛ mɛ ɔsɛ: Aanɛ nɛ alɛ nu agɛ evunɔ ɛhɛshɛshɛ inugbu-tɛbha nɛ ebuiɖuɖɔ.

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.

Tɛbubukasɛ 2:29

Agɛ yɛ batɔ alɛ yɛ ahwɛ, kɔ yɛ enu kɛgɛ Ɔfufɔɛ nɛ ɔɔɖɔ tsre basɔlɛha.

Tɛbubukasɛ 2:8

“Kɔ kpayaxwɛdɛ nɛ Smirna busɔlɛɔha nɛ mɛ ɔsɛ: Aanɛ alɛ nu yɛ ebui gɛ yɛ enu Atutɔpu anɛ Agɔgɔɛ, gɛ etsi pɛ etsodzi aba ɛkpã mɛ.

Tɛbubukasɛ 22:21

Apalete Yesu eshutukubui nɛ aza plɛnɔ Kpaya banɔ. Tɛlɛbɛlɛm.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.

Tɛbubukasɛ 3:22

Agɛ yɛ batɔ alɛ, kɔ enu kɛ gɛ ɔfufɔɛ nɛ ɔɖɔ tsre basɔlɛha.”

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.