Romanɛ 1:4 - ONUGBÙ NYƐNYÃ VUVƆ

⁴ klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Romanɛ 1:4 ပူးပေါင်းရင်းမြစ်များ

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Romanɛ 1:3

denɔ Yɛeyi nɛ shu, gɛ nɛ yɛ anɔdzyrame kapɛ mɛ ede Daviti okum,

2 Kɔrintioanɛ 13:4

Tɛ nɔ yɛkɛ lɛabhaŋa, bakplɛasɔ nɛ osi shu nɛ tɛbubotso mɛ, pɔ nɛ Kpaya kemi abha aza nɛkpã.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

2 Petro 1:21

Alasɛ kibuiɖɔlu kɛtɛde kɛlɛ odekɔ nɛ anɔ tɛ pɛpɛɛ mɛ, pɔ banɔ baɖɔaɖɔ denɔ Kpaya kɔ anasɛ gɛ Ɔfufɔɛ Dzyɔgo nɛ otuku alɛ.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”