Romanɛ 1:30 - ONUGBÙ NYƐNYÃ VUVƆ

³⁰ banɔ gɛ bee zi ɔhayɛ shu, banɔ gɛ ba dɛ ɖɔ Kpaya, aglɔkuklɔa, ishufifeke nɛ ɔwɔ̃dzu; be bhui edzo kɔ buzizi; ba dɛ ta balɛ ni nɛ aka tɔ;

Romanɛ 1:30 ပူးပေါင်းရင်းမြစ်များ

Mateo 15:4

Alasɛ Kpaya ɖɔ asɛ, ‘Kpɛ kɛtɔkpuesi ɔkɔ wɔaka nɛ weni’ klɛ ‘Anɔnyanɔ gɛ aba ɖɔ kibui akpɛ yɛaka ɔdɔgɔsɛ yɛeni edzyenɔ sɛ be yi yɛ.’

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Luka 21:16

Wɔnɔ aka anɛ wɔnɔ eni alɛ, badzya, beshopo anɛ ɛbhɛya lɛ kuratsyɛ aba kpɛ wɔnɔ ahwɛ kɔ le yi.

Yohanɛsɛ 7:7

Kanɔ ketibe gu nɔ, pɔ ke gu mɛ alasɛ itsre kanɔ nɛ sɛ ebui nɛ gɛ ka bhɛtɛ le nu ezizi.

Axwɛwɛwa 5:36

Nɛ kibe tili gɛ ba fla nɛ mɛ Teuɖas aba, sɛ enu anɔ teli, klɛ banɔ ansɛ kɛfɔɛfɔ ɛzakɔ tɛlɛ aza yɛede. Be be yi yɛ, klɛ baga za yɛede nɛ peteea pɔɛehle, klɛ alɛlɛ nɛ petee le de be dzi kɛdɔnyɛdɔ.

Romanɛ 2:17

Ɔtsɔ̃ wɔ, onu gɛ okulu wɔshu sɛ onu Yuɖaeyi; onu gɛ otsri ɔshã nɛa bha klɛ ofekeshu nɛ kishopo nɛ gɛ kpasɛ wɔ nɛ Kpaya kishi;

Romanɛ 2:23

Wɔ nɛ gɛ ofekeshu sɛ onyi ɔshã, ɔtɔɔ kpɛ Kpaya nɛa bha ganɔ ɔshã nɛa bha mabhɛtɛ mabhɛtɛ?

Romanɛ 3:27

Kɛlɛ fakɔ, ishufifeke ka lɛ? Be builɛ atɛ̃. Nɛ kidzo ɖueɖua bha? Nɛ ɔshã nɛ tɛbhɛbhɛtɛ abha yɛ? Ao, pɔ nɛ tɛyɛyɛkɛŋa yɛa bha.

2 Kɔrintioanɛ 10:15

Ɔdɔgɔsɛ bu ga dɔflaɛdzo kɛ lɛ gɛ kɛ lɛ nɛ ishufifeke kɔ kɛxwɛ gɛ bhlatɔ bawa. Bulɔ kidzoenudidi kɛlɛ nu sɛ, anasɛ gɛ wunɔ tɛyɛyɛkɛŋa vɛlɛabha gɛ kɛ she, bulɔ axwɛwɛwa nɛ wɔnɔ mɛ laba nɛ atrɔ gelee,

2 Kɔrintioanɛ 12:20

Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

2 Timotio 3:2

Banɔ ebe ku ishu awɔ̃, banɔ gɛ aɖɔ ehoeyi ishufifeke, ishuawɔ̃ kuku, kɛdɔkukula, butɔ matamata nɛ balɛ beni anɛ balɛ aka lɛ, ahwɛ mahumahu, ishumabhui mabhui,

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Yakobo 3:5

Kana ke kɛnɛkɛ nɛ nu ishuidzya nɛ kapɛ bhli tieli ko, pɔ kɛɛ bhɛtɛ ishu fifekegbla. Di kɛdɔnɔ nɛ gɛ ayɛgbla enu flogo pɛ kifu bhli ko kɛlɛ shɔ yɛ kifu.

Yakobo 4:16

Ansɛ gɛ ki dzi nɛɛ, no fekeshu klɛ no bu onugbum. Ishufifeke lɛlɛ nɛ nu butsutsɔmɔ.

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

Yuɖa 1:16

Banɔa be nu banɔ gɛ bee tsi ishu klɛ bee bu buzizi akɔa nɔ; ba lɛ balɛnahwɛ butsutsɔmɔ pɛpɛ nɛede; bee feke ishu klɛ baa kpɛ banɔ bhlatɔ nɛ bugã, kɔ balɛ nahwɛ kɛdzyɔgo mumɔ.