Romanɛ 1:3 - ONUGBÙ NYƐNYÃ VUVƆ

³ denɔ Yɛeyi nɛ shu, gɛ nɛ yɛ anɔdzyrame kapɛ mɛ ede Daviti okum,

Romanɛ 1:3 ပူးပေါင်းရင်းမြစ်များ

Mateo 1:1

Kɛdɔ ŋuŋlɔmɛ lu nɛ Yesu Kristo Daviti yɛ Eyi gɛ enu Abraham yɛ Eyi nɛ shu:

Mateo 1:16

klɛ Yakɔb yɛ enu Yosɛfu yɛ aka, Maria yɛ enyine gɛ ba mɔ Yesu akɔ, gɛ be klu asɛ Kristo.

Mateo 1:6

Klɛ Yesse ebe dzi Ekusi Daviti yɛ aka. Daviti yɛ edzi Salomonɛ yɛ aka, gɛ yɛ eni edzi Yuriah yɛedzini aba fla,

Mateo 12:23

Kibui nɛ bhɛtɛ banɔ nɛ petee bi klɛ ba ɖɔ asɛ, “Anyaa nɛɛ ebe dzi Daviti Yeyi nɛa?”

Mateo 15:22

Kananaɛtɛ dzi teli gɛ ede kibé lɛ nɛ aba yɛ ɔkɔ, nɛ iyuyo asɛ, “Apalete, Daviti yɛ Eyi, di mɛ eshutukubui! Mɛ eyiadzɛ aatɔ tsutsɔmɔ tsɔmɔ nɛ ɔfufɔɛkpã gɛ otsri yɛa bha nɛ mɛ.”

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Mateo 27:43

Ayɛkɛ Kpaya kabha ŋa. Kɔ Kpaya nɛ ebe bu yɛe onu gɛ apɛɛ yɛ, alasɛ aɖɔ asɛ, ‘Mɛ nu Kpaya yɛ Eyi.’ ”

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Mateo 9:27

Gɛ Yesu ashɛ̃ aavɛ denɔ ɔkɛlɛ, awɔ̃hũ pupuelete tɛabha ba za yɛe de, nɛ yɛ tɛ kukulu sɛ, “Di bulɔ eshutukubui, Daviti Yeyi!”

Luka 1:35

Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Luka 1:69

Efeke ewunɔ anɔ gɛganɛ gɛ aba yɛkɛ akɔ lɔ, nɛ yɛ axwɛdɛ Daviti bupa nɛ mɛ

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:34

Ɛmɔ klɛ ɛmɔɖɔ sɛ yɛe nu Kpaya yɛ Yi.”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 10:30

Mɛ nɛ Aka bunu anɔ terikpo.”

Yohanɛsɛ 10:36

kide nɔ ɖɔ denɔ agɛ Aka ebu lɛ ɔtɔ anasɛ yɛnahwɛ ayɛ klɛ akpɛ yɛ nɛ kanɔ nɛ mɛ? Kɛdɛso gɛ ɔtsɔlɛ nɔ butɔ mɛ sɛ ɛɖɔ ebuisobui alasɛ ɛɖɔ sɛ, Kpaya yɛ Yi mɛ nu?

Yohanɛsɛ 20:28

Toma aɖɔ tsre yɛ asɛ, “Ma Apalete anɛ mɛ Kpaya!”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 5:25

Itsre nɔ kɛgbɛagba sɛ, kibe ba klɛ kɛtɛ ba kuratsyɛ gɛ be tsitsi ba be nu Kpaya Eyianyɛ nɛ olimɛ klɛ bagɛ be nu ba baza nɛ kpã.

Yohanɛsɛ 7:42

Anɛ buɖɔ kpayaeplukpa nɛ na ɖɔ sɛ Kristo ebede Daviti kɛpatsu mɛ klɛ ede Betlehem, ɔma nɛ mɛ gɛ Daviti aza?”

Axwɛwɛwa 2:30

Pɔ edzi atɔnu klɛ eti asɛ Kpaya atɛ ɖɔ elu ganɔ atabu kɛkam akɔ yɛ asɛ, aba yɛkɔ yɛ ɛyameyi teli edzu yɛ kegbu nɛa bha.

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Romanɛ 1:9

Kpaya, nɛ gɛ mɛ ɛdɛ kɛxwɛ kɔ nɛ mɛ idzyim petee anɛ Yɛeyi nɛ kibuidzyɔgo nɛ tɛɖuɖɔ mɛ, yɛ enu mɛ ebuimɔɖɔ anɛ kana gɛ ɛbaka wɔnɔɛ bui,

Romanɛ 4:1

Kɛlɛ kide lɔ ba ɖɔ sɛ Abraham, bulɔ akashishe, nɛ shu sɛ, emunɔ nɛ kibui nɛ mɛ?

Romanɛ 9:3

Alasɛ ɛta pɛɛ sɛ mɛnahwɛ ba ta ɖɔɛbui akpɛm tɛ ba pɔ mɛ nɛ Kristo shu akpɛ madzyalɛ nɛ so, gɛ be nu mɛnahwɛ kɛmadim banɔ,

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

1 Kɔrintioanɛ 1:9

Kpaya, gɛ eklu nɔ abhɛtɛ terikpo nɛ ye Yi Yesu Kristo bulɔ Apalete, enu anɔ yɛyɛkɛŋa.

1 Kɔrintioanɛ 10:18

Nɔ plɛnɔ Izraɛl banɔ: Ganɛ ba gɛ ba ŋaɛdɔ nɛ gɛ ba yɛkɔ gu bugu nɛ busɔlɛvumokpo nɛabha?

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

2 Timotio 2:8

Baka Yesu Kristoe bui, gɛ be feke ebu denɔ bekpu mɛ, gɛ ede Daviti oku nɛ mɛ. Kɛlɛ nu mɛ kibuidzyɔgo,

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.