Filimɔnɛ 1:16 - ONUGBÙ NYƐNYÃ VUVƆ

¹⁶ ansɛ anɔ gɛ etie dzi anɔdzidzi, pɔ aba pɛ̃ dɛ anɔdzidzi, aba za ansɛ adzya gɛ ɔɖɔ. Enu anɔ ɖuɖɔ kɔ mɛ pɔ ɔzɔ ɖɔ yɛ ɔdɛ mɛ, ansɛ anyɛ klɛ ansɛ adzya na nɛ Apalete nɛ mɛ.

Filimɔnɛ 1:16 ပူးပေါင်းရင်းမြစ်များ

Mateo 23:8

“Pɔ ama sɛ be kulu nɔ asɛ ‘Adɔkasɛ,’ alasɛ Apalete terikpo ko yɛ alɛ wɔnɔ ahwɛ klɛ wɔnɔ petee no nu badzya.

Axwɛwɛwa 9:17

Klɛ Ananiasɛ avɛ bupa nɛ shu klɛ etsoku bulɛ mɛ. Atrɔ ahwɛ nɛ Saolo abha, klɛ aɖɔ sɛ, “Adzya Saolo, Apalete—Yesu nɛ gɛ awɛ̃ nɛ wɔ amɛ nɛ kidzo nɛm gɛ ɔɔba ɔkɛ̃nɛ—akpɛ mɛ asɛ eba bhɛtɛ wɔ tɛ otsodzi ɔzɔ mɔ tɛ oyuku nɛ Ɔfufɔɛ Dzyɔgo.”

1 Kɔrintioanɛ 7:22

Alasɛ anɔ nɛ gɛ edzi anɔdzidzi kibelɛ nɛ gɛ Apalete nɛ eklu yɛ enu Apalete anɔ gɛ kibunyɛbui dɛ nyɛna yɛ; kanake, anɔ nɛ gɛ alɛ ishuahwɛ flogo gɛ be klu yɛ enu Kristo anɔdzidzi.

Koloseanɛ 3:22

Banɔdzidzi, nɔ tatɔ nɛ wɔnɔ bapalɛte nɛ kibuinyɛbui mɛ, klɛ tɛ nɔ bhɛtɛ lɛ, ganɛ sɛ kibelɛlɛ gɛ balɛ kɛwɔ̃hu tsri wɔnɔ abha sɛ tɛ nɔ ku alɛ awɔ̃, pɔ nɛ idzyi dzyɔgo anasɛ bagɛ be si Apalete nɛ fu.

1 Timotio 6:2

Bagɛ balɛ apaletealɛ nɛ nu banɔ gɛ ba yɛkɛ aŋa, kɛ ma sɛ tɛ ba kɔa lɛ bubu bhli, alasɛ be nu badzya. Nɛ kɛlɛ mɛ, kɛlɛ sɛ ba dɛ balɛ axwɛ nɛ mɔmɔ adɛa na, alasɛ bagɛ balɛ amɔ kɛdzyɔgo edenɔ balɛ axwɛdɛdɛ nɛ mɛ nɛ nu banɔ gɛ bayɛkɛaŋa, klɛ ba lɛ balɛ idzyi shu. Ebuia nɛɛdi ala lɛ sɛ tɛ nɔ kasɛ tɛ nɔ yɛkɔ olua lɛ amɛ.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.