Marko 11:14 - ONUGBÙ NYƐNYÃ VUVƆ

¹⁴ Klɛ etsre osi na sɛ, “Anɔnyanɔ atɛa ŋa wɔ eyuyu denɔ ɔtsɔ̃ nɛ ɔyɛkɔ vɛ nɔ.” Klɛ yɛ badɔkpasɛ nɛ be nu kibui nɛ gɛ aɖɔ.

Marko 11:14 ပူးပေါင်းရင်းမြစ်များ

Mateo 21:19

Gɛ amɔ kabhɔosi nɛ kidzo nɛ tɔ, ebunɔ ɔlɛ pɔ adɛ mɔ eyuyu kanyaka nɛ ɔlɛm ɔkɔ dɛ awulakpa kpɛkpa. Ɔkɛlɛ etsre osi nɛ asɛ, “Wɔ otio yu eyuyu nɛ kanɔ mɛ kiwinyɛwi!” Nɛ ɔkɛlɛ osi nɛ ɔgblɔ wɔlɛawa.

Mateo 21:33

“Nɔ tatɔ nɛ kɛkpalɛ bhlatɔɛ nɛ tsyɛ: Kesukpaelete teli aza gɛ adɛ vãyɛ̃ buya. Abhɔ kidri akana buya, ebu wãyɛ̃ kizi nɛ bɔlɛ mɛ klɛ edzu opokɔvu nɛ buya nɛ mɛ. Klɛ ayɛkɔ buya nɛ akpɛ ahwɛ kɔ bayadɛ teli klɛ aga ɛdzo.

Mateo 21:44

Anɔ nɛ gɛ aba wɔlɛ adɔ kɛklãgbui nɛa bha ebe dzyini eku bupɛ pɛɛpɛ mɛ, pɔ anɔ nɛ gɛ yɛa bha kɛɛ ba wɔlɛ dɔ aba yɛɛ.”

Mateo 3:10

Kawɛ nɛɛ ke tsri isigu nɛa bha kukuu ku, klɛ osi kanyaka gɛ ɔtɛ bo yu eyuyu dzyɔgo be be tẽ ɔlɛ ebho klɛ la ba yɛkɔ atɛ̃a kpɛ kifum.

Mateo 7:19

Osi kanyaka gɛ otoo yu eyuyu dzyɔgo be te ɔlɛ ebho klɛ baa yɛkɔ atɛ̃ akpɛ kifum.

Marko 11:13

Amɔ kabhɔ nɛ kalɛ awulakpa teli asɛsɛ nɛ odzidzekɔ, avɛ asɛ tɛ ede di asɛ eyuyu teli akpasɛ ɔlɛ mɛ dza. Gɛ eku ɔlɛ ɔbha nɛ, awulakpa ko amɔ, alasɛ kibee lɛ nɛ dɛ nu osi nɛ kiyu be.

Marko 11:15

Gɛ be de ku Yerusalɛm nɛɛ, Yesu etsoku busɔlɛvu buka nɛ mɛ, klɛ akpa bagɛ aba dɛ kɛdɔ anɛ bagɛ bee dzi dɔ nɛ ɔkɛlɛ. Etsyina bagɛ balɛ atsrakɛ ehoeyi nɛ baa kplɔ̃ nɛ ekumu, anɛ bagɛ bala dɛ bagɔgɔwi nɛ bugbu dzidze petee ekumu.

Yohanɛsɛ 15:6

Onugɛ anɔ teli ama mɛ shui mɛ, alɛ anasɛ ɔshɛ̃ gɛ be te atɛ̃ klɛ lɔ kpã, ɛshɛ̃ lɛlɛ nɛ di ba tɔkɛ lɛ atɛ̃ akpɛ kifu mɛ klɛ lɛ tã.

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

Tɛbubukasɛ 22:11

Kɔ agɛ abhɛtɛ buzizi nɛ aza buzizi bhɛbhɛtɛ nɛa bha; kɔ agɛ abhɛtɛ ebui dudɔɛbo nɛ avɛ alɛa bha aza bhɛtɛ; kɔ agɛ abhɛtɛ kɛdzyɔgo nɛ aza kɛdzyɔgo bhɛbhɛtɛ nɛa bha; klɛ tɛ nɔ kɔ agɛ alɛ ishubhubhui mɛ nɛ aza ishubhubhui nɛa bha.”