Luka 9:41 - ONUGBÙ NYƐNYÃ VUVƆ

⁴¹ Yesu aɖɔ sɛ, “O kabha mayɛkɛ mayɛkɛŋa anɛ tɛmumɔ tsutsɔmɔɛ nɛ mɛ banɔ, ewui tashɛ̃ ɛba za wunɔ bha klɛ ɛba za kplɛnɔ nɔ? Gbanɔ wɔ eyi nɛ mɛna ɔkɛ̃.”

Luka 9:41 ပူးပေါင်းရင်းမြစ်များ

Mateo 11:28

“Nɔ ba mɛ ɔkɔ, wɔnɔ ba gɛ nɔɔ tɔ klɛ ebui nɛ adɛ nɔ, tɛ ɛkɔ nɔ bumuene.

Mateo 12:39

Yesu ebui lɛ nu asɛ, “Atɔkpum gɛganɛ anɛ ɔmamdɛdɛ banɔ nɛ obonobo kanɔa nɛ mɛ bee bisi asɛ tɛ ba mɔ kibui yiyinɔanɔ! Pɔ ba tɛ ba kɔ anɔnyanɔ kɛkanyaka, Yona atɔnu na yɛ ko.

Mateo 12:45

Ɔkɛlɛ ɔfufɔɛ nɛ ootsodzi ɔvɛ ɔdɔ gbanɔ tigene bhlatɔ gɛ tsɔmɔ dɛ ɔlɛ nahwɛ nɛ ata shu, klɛ lɛ ba tsoku da za ɔkɛlɛ. Klɛ anɔ yɛ tɛzɛza mɛ ba tsodzi tsɔmɔ dɛa na gɛ aza putɔnɔ. Kana kɛ ba za kɔ kɛtɔkpum gɛganɛ tɛmumɔɛ nɛm banɔ.”

Mateo 16:4

Atɔkpum gɛganɛ anɛ aglɔbui bhɛbhɛtɛ kanɔa nɛ mɛ banɔ naa pɛɛ ebui yiyinɔanɔɛ dɔmumɔ, pɔ ba tɛ ba kɔ akanyaka odu nu sɛ Yona kɛdɔmumɔ.” Ɔkɛlɛ Yesu ashɛ̃ nɛ balɛ ɔbha klɛ ada fla shɛ.

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Mateo 23:36

Itsre nɔ kɛgba sɛ, ebuia nɛ petee aba ba tɛmumɔɛ nɛ mɛ banɔa nɛa bha.

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Marko 10:14

Gɛ Yesu amɔ kibui nɛ, amɔ obulo. So etsre balɛ asɛ “Nɔ kɔ bunuvɔɛbhli na ba mɛ ɔbha, klɛ nɔ tɔɔ kɛka lɛ, alasɛ banɛ nɛɛ di nɛ ɔzakɔ ɔlɛ nu Kpaya bukusiɔŋakɔ.

Marko 10:49

Yesu adzrɔ klɛ asɛ, “No klu yɛ ɔmɛna.” Kɛlɛso nɛ be tsu ebunɔ awɔ̃hũpuelete, “Mɔ same! Lɔ kititi! Eklu wɔ.”

Marko 9:19

Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Luka 8:25

“Wunɔ tɛyeyɛkɛŋa nɛ hɔ̃?” ebisi yɛ badɔkpasɛ. Nɛ kifusisi nɛ kibuiyinɔanɔ be bisi ɔhaglɔ asɛ, “Ane na nɛ? Akpɛ ɔshã kɔ kɛlɛ nɛ̀ buni kuratsyɛ klɛ ba ta yɛ atɔ.”

Luka 9:40

Ɛkpɛ kɛtɔkpuesi kɔ wɔ badɔkpasɛ sɛ tɛ bakɛka lɔ koeyi nɛ yɛ shui mɛ, pɔ ba dɛ na.”

Luka 9:42

Gɛ anyɛnuvɔɛ aba tsyɛ, ɔfufɔɛ kpã nɛ lɔ zo vui ehuesi nɛ tɛnununɔ mɛ. Pɔ Yesu akpɛ ogugu nɛ ɔfufɔɛ kpã nɛabha, akɔ anyɛnuvɔɛ nɛ shu bhui klɛ etsodzi ayɛkɔ yɛ akɔ yɛ aka.

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 20:27

Ɔkɛlɛ ɛtsre Toma asɛ, “Yɛ kɔ wɔ awɔɛ nɛ kpɛ ɔkɛnɛ, di mɛ ekpli nɛ mɛ. Mɛna wɔ ɔhwɛ tɛ ɔyɛkɔ kpɛ mɛ ɔwã nɛ mɛ. Zɛkɔlɔ tɛmayɛkɛŋa mayɛkɛŋa klɛ tɛ ɔyɛkɛŋa.”

Axwɛwɛwa 13:18

agɔ afɛtalɛ̃ alɛ ayɛkɔa za balɛ ɛkpã nɛ nu nɛ ayakpam,

Axwɛwɛwa 2:40

Nɛ ebui gelee mɛ Petro akpɛa lɛ ɔshã, klɛ ebisi denɔ balɛ ahwɛ mɛ sɛ, “No bu wɔnɔ ishu odenɔ tɛmumɔ tsutsɔmɔɛ nɛm.”

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Hebriuanɛ 3:19

So bu mɔ sɛ ba dɛna tsoku, alasɛ ba dɛ yɛkɛŋa.

Hebriuanɛ 4:11

Kɛlɛso, nɔ kɔ lɔ kpɛemi gɛganɛ tɛ butsoku bumone lɛlɛ mɛ, sɛ tɛ anɔnyanɔ atɛ ba wɔlɛ nɛ bagɛ bata tatɔ nɛede zɛza ebui bhɛbhɛtɛ shu.

Hebriuanɛ 4:2

Alasɛ bulɔ tsyɛ bɔ yɛkɛ Kibui Dzyɔgo nɛ gɛ ba ɖɔ tsre lɔ, anasɛ gɛ ba bhɛtɛ, pɔ kibui ɖuɖɔ gɛ be nu kɛdziŋɛŋa kanyaka ka ma kɛlɛ shu kɔ alɛ, alasɛ bagɛ be nuɛlɛ ba dɛ yɛkɔɛ lɛ tɛyɛyɛkɛŋa ataplɛnɔ.

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.