Luka 9:28 - ONUGBÙ NYƐNYÃ VUVƆ

²⁸ Aba za anasɛ ewui tasuɔɛ gɛ Yesu aɖɔ ebuia nɛ beke, agbanɛ Petro, Yohanɛsɛ anɛ̀ Yakobo ata shu klɛ ba vɛ butu tuli abha sɛ tɛ be de klukpaya.

Luka 9:28 ပူးပေါင်းရင်းမြစ်များ

Mateo 14:23

Gɛ akpɛ balɛ dzo beke, yɛnahwɛ ashɛ̃ ewu avɛ butu tuli shu sɛ tɛ ede kulukpaya. Gɛ owulago nɛ ɔna, yɛ terikpo agɔ nɛ ɔkɛlɛ,

Mateo 5:1

Gɛ Yesu amɔ banɔɛza, ewu butu nɛa bha klɛ azaesi. Yɛ badɔkpasɛ nɛ aba yɛ ɔbha,

Marko 1:35

Nɛ kɛvlɔ nɛ pinii, gɛ kanɔ mɛ eke bhui, Yesu alɔ nɛ bupa nɛ mɛ avɛ okpukpukɔ toli ɔkɛlɛ ede klukpaya.

Marko 6:46

Gɛ Yesu ashɛ̃ nɛ balɛ ɔbha, ewu avɛ butu tulia bha kɔ kpayakuklu.

Luka 3:21

Kɛbelɛlɛ gɛ ba kpɛ buni kɔ banɔ petee beke, ba kpɛ kɔ Yesu tsyɛ. Klɛ gɛ eklukpaya, owũsise danɛ

Luka 5:16

Pɔ Yesu aganɔ ishu ebu koeyi nɛ banɔ nɛ mɛ gɛ ada za ɔkɛlɛ gɛ lɔ dɔ kranana klɛ eklukpaya.

Luka 6:12

Ewuianɛ wui tili Yesu ekoeyi avɛ butu nɛabha sɛ tɛ ede klukpaya, klɛ aza ɔkɛlɛ elishi ekulu Kpaya.

Luka 8:51

Gɛ eku Yeruse bupa nɛ mɛ, adɛ kɔ anɔnyanɔ etsoku aplɛnɔ yɛ ɔdɛ Petro, Yohanɛsɛa nɛ Yakobo, anɛ̀ anuvɔ yɛaka anɛ yɛeni.

Luka 9:18

Kiwui tili gɛ Yesu èklukpaya nɛ okpukpukɔ klɛ yɛ badɔkpasɛ nɛ aza yɛ ɔbha, ebisi alɛ sɛ, “Ane banɔɛza nɛ aɖɔ sɛ yɛ mɛ ɛnu?”

Yohanɛsɛ 6:3

Kɛlɛ Yesu ewu avɛ butunɛshu klɛ ada zaesi nɛ́ ɔkɛlɛ nɛ yɛ badɔkpasɛ.

2 Kɔrintioanɛ 13:1

Kɛnɛ kɛlɛ badzi butramɛ gɛ ɛba wɔnɔ kɔ. “Kibuinyɛbui gɛ bayɛkɔ nɛ anɔ shu ebuimɔɖɔ tɛabha ɔvɛnɔ tɛata baɖɔaɖɔ denɔ kɛlɛ shu.”

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.