Luka 9:26 - ONUGBÙ NYƐNYÃ VUVƆ

²⁶ Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

Luka 9:26 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

2 Kɔrintioanɛ 12:10

Kɛlɛ nu sɛ, alasɛ Kristo so ɛdɛmɛ nɛ tɛbubotso, tɛkukula, butɔ mumɔ, tɛ kpɛkpatɔnɔ, nɛ ebui tɛtɛtrɔ anɔabha. Alasɛ kibe nɔ gɛ ebotso, kɛlɛ mɛ gɛganɛ.

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

1 Timotio 5:21

Ibisi denɔ wɔnɔ ahwɛ mɛ, nɛ Kpaya anɛ Kristo Yesu anɛ kpayaxwɛdɛ nɛ gɛ be bu nɛ amɛ, sɛ nɔ nyɛna ebuia nɛ kɛdɔkɛkasɛ nɛ mɛ ovunɔ anɔamɛ madi madi, klɛ nɔ tɛ bhɛtɛ kibuinyɛbui ganɔ anɔɖuɖɔdɛ mɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

Yuɖa 1:14

Ɛnɔkɛ, egigenemi denɔ Aɖamu abha, aɖɔɛbuielu denɔ banɔa nɛ shu asɛ: “Di, Apalete nɛ aaba nɛ yɛ banɔ nɛ gɛ balɛ shu bhui nɛ akpã akpã mɛ

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.