Luka 8:43 - ONUGBÙ NYƐNYÃ VUVƆ

⁴³ Klɛ adzɛ teli aza ɔkɛlɛ gɛ dzyosu aba yɛ shu agɔ lɔfɔnɛtabha na, pɔ anɔnyanɔ adɛ beke bunya nɛ akɔ yɛ.

Luka 8:43 ပူးပေါင်းရင်းမြစ်များ

Marko 12:44

Banɔ nɛ petee gɛ bakɔ kɛdɔ nɛ balɛ ehoeyi gelee zɛza anɔ ahwɛ nu, pɔ nɛ yɛ kitsyui nɛ nu, ayɛkɔ yɛ kɛdɔ nɛ gɛ kɛ lɛ yɛ ahwɛ nɛ ada kpɛ, kɛ gɛ kɛlɛ shu aba za nɛ petee nɛ kiwi lɛlɛ nɛm.”

Marko 9:18

Onu gɛ lɔɔ dɔ yɛa bha nɛ loo bu yɛ obho. Yɛ onugbu nɛ mɛ ɔtsa kɛfɔ, atã ele klɛ yaa nunɔ. Ibisi wɔ badɔkpasɛ nɛ sɛ ba kɛka kana mɛ ɔfufɔɛ nɛ ebu nɛ yɛ mɛ pɔ ba dɛ na.”

Luka 13:11

klɛ adzɛ teli aza ɔkɛlɛ gɛ ɔfufɔɛkpã kpɛ yɛ kɛkpata agɔ lɔfɔnɛtasɔɛ. Axãku klɛ atɛ bana lɔ adzɔ kura.

Luka 13:16

Kɛlɛalɛ kideso gɛ adzɛ anɛ, gɛ enu Abraham ye yi, gɛ Satana anya yɛ agɔ dzidze lɔfɔnɛtasɔɛ, gɛ ba tɛ bule yɛ xũ nɛ Kimoenewui abha?”

Luka 8:27

Gɛ Yesu ebu ɔtsrɛ atrɔ kɛgbigbe nɛabha, atsyanɛ anɔ teli gɛ ɔfufɔɛzizi tsri yɛabha denɔ ɔma nɛ mɛ. Kibe dzidze nɛɛ nɛ gɛ anyɛa nɛ ete nyumu kɛpɔtɛ ɔdɔgɔsɛ bupa mɛ yɛ aba za, pɔ bekpu ɔvubɔkɔ ko aza.

Luka 8:42

alasɛ yɛ eyi adzɛnɛvɔɛ terikpo, gɛ ayɛkɛ anasɛ agɔ lɔfɔnɛtabha nɛ étsi. Gɛ Yesu atɔnɛ kidzo nɛ avɛ, agɔɛbɔɛ tɛ banɔɛza nɛ tii yɛ ehuesi.

Luka 8:44

Aga ewu aba Yesue de klɛ ehunɔ yɛ awui nɛ butɔ, klɛ ɔkɛlɔlɛ ko yɛ dzyosu yiyi nɛ adzurɔ.

Yohanɛsɛ 9:1

Gɛ Yesu àga afla, amɔ anyɛ teli gɛ ba mɔ nɛ awɔ̃hũpupu.

Yohanɛsɛ 9:21

Pɔ kana gɛ amɔ ɔtsɔ̃ nɛ, pɛ ane yɛ adanɛ yɛ awɔ̃hu, bu ti nyi. No bisi yɛ. Enu anɔ shishe, aba na kaɖɔ yɛnahwɛ.”

Axwɛwɛwa 3:2

Nɛ ɔkɛlɛ be tuku kɛkpata tili gɛ ba mɔɛ yɛ ana nɛ ayɛkɔ ebe lu busɔlɛvu nɛ kedunu gɛ be klu asɛ Kɛdɔpupudi, ɔklɛ bee dzu yɛ kiwinyɛwi pɛ ebisi kɛdɔ banɔ nɛ gɛ etsoku busɔlɛvu nɛ mɛ.

Axwɛwɛwa 4:22

Alasɛ anɔ nɛ gɛ yɛ bunya nɛ tɛbibeke nɛ bhɛtɛ bi nɛ atɛ yɛkɛ aflanɔ agɔ afɛtalɛ̃.