Luka 8:15 - ONUGBÙ NYƐNYÃ VUVƆ

¹⁵ Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Luka 8:15 ပူးပေါင်းရင်းမြစ်များ

Mateo 24:13

pɔ anɔɔ nɛ gɛ aza gɛganɛɛ be be bu yɛ.

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Luka 6:45

Anɔ dzyɔgo edenɔ kɛdɔ dzyɔgo amɛna nɛ kɛdzyɔgo gɛ abala nɛ yɛ idzyi mɛ, klɛ anɔ zizi amɛna kɛdɔ zizi gɛ kɛnu kizizi gɛ abala nɛ yɛ idzyi mɛ. Alasɛ kɛ gɛ dɛ idzyi kɛlɛ onugbu ɔɖɔ.

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.

Luka 8:16

Anɔnyanɔ eti deke kanɛgbɛ gɛ ayɛkɔ ekpu nɛ ketsukpue si ɔdɔgɔsɛ, ayɛkɔ akpɛ oputsoe si. Kɛlɛmaza, aba yɛkɔ atrɔ kɛdɔ abha sɛ tɛ ba gɛ ba ba na mɔ kifu.

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Yohanɛsɛ 15:10

Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 7:18

Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ.

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

Romanɛ 8:25

Pɔ onu gɛ bu di kidzoenu kɔ kɛgɛ ka za lɔ ahwɛ, bu poe lɛ nɛ tɛdudɔfɔ̃ mɛ.

1 Kɔrintioanɛ 7:19

Bunyɛnyɛ bhubhui dɛ nu kɛdɔnyɛdɔ klɛ bunyɛnyɛ mabhuimabhui dɛ nu kɛdɔnyɛdɔ. Kpaya ɛshã bha bhɛbhɛtɛ alɛ nu ebui.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

Yakobo 1:4

Kanyɛtsitsi alasɛ tɛ ka wa kalɛ kɛxwɛ nɛ beke sɛ tɛ no she tɛ nɔna, nɔ tɛ za sɛ kɛdɔ tili ma wɔnɔ ahwɛ.

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.