Luka 7:13 - ONUGBÙ NYƐNYÃ VUVƆ

¹³ Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Luka 7:13 ပူးပေါင်းရင်းမြစ်များ

Marko 8:2

“Eshutukubui ekum nɛ banɔa nɛ, ewi tata naa gɛ la ba lɛ mɛ ɔbha gɛ kɛdɔnyɛdɔ ma balɛ ahwɛ gɛ la ba ŋa.

Luka 10:1

Kɛlɛlɛ nɛede Apalete ebu banɔ afɛtegene nɛ tɛabha bhlatɔ klɛ akpɛ alɛ tɛabha tɛabha beputɔ kɔ yɛ, tɛ bavɛ ɔmanyɔma nɛ ɛzakɔ ɔkɛlɛ gɛ apɛ asɛ tɛ avɛ.

Luka 11:1

Kiwui tirikpo Yesu eklukpaya nɛ ɔkɔ toli. Gɛ abhɛtɛ beke, yɛ badɔkpasɛ terikpo etsre yɛ asɛ, “Apalete, kasɛ lɔ kpayakuklu, anasɛ gɛ Yohanɛsɛ akasɛ yɛ badɔkpasɛ.”

Luka 11:39

Ɔkɛlɛ Apalete nɛ etsre yɛ asɛ, “Ɔtsɔnɛ ɔkɛlɛ, wɔnɔ Farisianɛ no tsi bũtse nɛ busugba nɛede, pɔ wunɔ kɛmɛ nɛ mɛ kɛyuku nɛ kɛdɔ gbɛgbla pɛpɛɛ anɛ kɛtɔkpu mɛ gɛganɛ.

Luka 12:42

Apalete ebu shunu asɛ, “Ane ɔtsɔnɛ gɛ enu ebuiti nɛ axwɛdɛdɛ mɛ nɛ gɛ ba bayɛkɛ yɛabhaŋa, gɛ apalete nɛ ayɛkɔ edzu yɛ baxwɛwa nɛ nu tɛ akɔ alɛ kɛdɔŋɛŋa kɔba nɛ́ kibe dzyɔgo?

Luka 13:15

Apalete ebushunu akɔ yɛ asɛ, “Wunɔ betroni! Wunɔ mayɛ kanyaka nɛ Kimoenewui abha ebe bule yɛ nɛntsyɔɛ pɛnɔ kitukuaga nɛ yɛ ohuimɛ klɛ agbanɛ yɛ avɛnɔ sɛ tɛ ada kɔ yɛ buni?

Luka 17:5

Banɔkpɛkpɛ nɛ etsre Apalete nɛ asɛ, “Kɔ bulɔ tɛyɛyɛkɛŋa nɛ kpe trɔ!”

Luka 17:6

Etsre alsɛ, “Onugɛ tɛyɛyɛkɛŋa bhliyi anasɛ musta eyuyu alɛ wunɔ ahwɛ, nɔ bɔ na tsre osiɔnɛ sɛ, ‘Kpa nɛ igu klɛ ododzu shu nɛ aƒu nɛ mɛ,’ klɛ lɔ bɔ ta wɔ atɔ.

Luka 18:6

Klɛ Apalete nɛ aɖɔ se, “Tatɔ nɛ ebhuiklu tsutɔmɔ anɛ kibui gɛ aɖɔ.

Luka 19:8

Pɔ Zakio alɔ kititi klɛ aɖɔ etsre Apalete asɛ, “Di, Apalete! Ɔkɛnɛ klɛ ɔtsyɔnɛ Ɛba yɛkɔ mɛ ehoeyi kapɛ zɛzɛ ɔkɔ betsutsuini, klɛ onugɛ ezuru anɔ teli kɔba nɛ kidzo ziziabha, ɛba tsodzi buya kɔba lɛlɛ ɛzakɔ tɛlɛ̃.”

Luka 22:61

Apalete etsyina klɛ edi Petro amɛ. Ɔkɛlɛ Petro abaka kɛbui nɛ gɛ Apalete nɛ aɖɔ tsre yɛ: “Flogo gɛ ɔkukɔ nɔ bɔ bɔ obonɛ, ɔbɔ dɛada ada tata nɛ mɛ shu.”

Luka 24:3

pɔ gɛ be tsoku, ba dɛmɔ Apalete Yesu etsitsi.

Luka 24:34

klɛ ba ɖɔ sɛ, “Kɛgbɛagba lɛ nu! Apalete anyɛmɛ klɛ ebushuakasɛ Simɔn.”

Luka 7:12

Gɛ etsobunɔ ɔma nɛe dunu, betuku anɔ tsitsi gɛ be tuku yɛ ekoeyi—yɛ ko ye nu anyɛ kɔ ye ni, klɛ eni nɛ etsianyɛ. Banɔɛza gbɛgbla denɔ ɔma nɛ mɛ ba lɛ yɛ shu.

Luka 7:14

Ɔkɛlɛ ewu avɛ kabha ade hunɔ ekpu oputsogbla gɛ be tuku, klɛ ba gɛ tuku ekpu ba dzrɔ. Yesu aɖɔsɛ, “Anyɛnuvɔɛ, ɛtsre wɔ sɛ lɔ!”

Luka 7:19

akpɛalɛ nɛ Apalete nɛ ɔkɔ sɛ tɛ be bisi asɛ, “Wɔnu anɔ nɛ gɛ aba ba, pɛnɔ budi dzoenu kɔ anɔ bhlatɔ?”

Luka 8:52

Kɛbelɛlɛ banɔ nɛ petee bakpɛ ogugu klɛ be biyo kɔ yɛ. Yesu etsre alɛ sɛ “Nɔ tɔ kpɛ ogugu, anuvɔ nɛ edi tsi pɔ tra yɛ adɔ.”

Yohanɛsɛ 11:2

Maria nɛ gɛ ye adzya yɛ nu Lazarus gɛ ànya, yɛ nu adzɛ alɛlɛ nɛ gɛ abalɛ bubɔ huhũ nɛ Apalete nɛabha, klɛ ayɛkɔ yɛ kɛtɔkputɛka etsuru yɛ butsrɛkpɔ.

Yohanɛsɛ 11:3

So bada nɛ akpɛ anɔ nɛ Yesu ɔkɔ sɛ, “Apalete, anɔ nɛ gɛ ɔdɛmɛnɔ adɔ nya.”

Yohanɛsɛ 20:13

Be bisi yɛ asɛ, “Adzɛ, kɛdɛso gɛ obiyo?” Aɖɔ sɛ, “Bayɛkɔ mɛ Apalete nɛ ashɛ̃nɔ, klɛ ɛtinyi ɔkɔ nɔ gɛ be de lu yɛ.”

Yohanɛsɛ 20:15

Yesu aɖɔ sɛ, “Adzɛ, kɛdeso gɛ obiyo? Ane wɔ pɛɛ?” Maria yɛ tɔkpuimɛ sɛ anɔ nɛ gɛ epo ɔvubɔkɔ, Maria aɖɔ sɛ, “Apalete, onugɛ wɔ otuku yɛ ɔshɛ̃nɔ, tsre mɛ ɔkɛlɛ gɛ ɔyɛkɔ yɛ odo lu, klɛ tɛ ɛdayɛkɔ yɛ.”

Yohanɛsɛ 4:1

Farisianɛ be nu asɛ Yesu aŋɛabha klɛ akpɛ buni kɔ baxwɛdɛ gelee dɛ Yohanɛsɛ,

Yohanɛsɛ 6:23

Kɛlɛ ipupu tili de Tiberia ba dzurɔ tsobunɔ ɔkɛlɛ gɛ banɔ na ba tã gbɛ̃gbɛvu gɛ Apalete nɛ ehu ahwɛ.

1 Kɔrintioanɛ 7:30

bagɛ be biyo, anasɛ onugɛ be di biyo, ba gɛ ba mɔ same, anasɛ ba dɛ mɔ same, bagɛ be dzi dɔ tili, anasɛ kɛ dɛ nu balɛ yɛ tɛ ba bala,

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.