Luka 6:8 - ONUGBÙ NYƐNYÃ VUVƆ

⁸ Pɔ Yesu amɔ kibui nɛ gɛ batrɔ nɛ tɔkpu mɛ klɛ etsre anɔ nɛ gɛ yɛ ɔhwɛ nɛ osi ku nɛ asɛ, “Lɔ kititi tɛ ɔbɔza banɔnyanɔ amɛ.” Kɛlɛso ada lɔ kititi nɛ ɔkɛlɛ.

Luka 6:8 ပူးပေါင်းရင်းမြစ်များ

Mateo 9:4

Gɛ Yesu atɛ mɔ balɛ atɔkpu nɛ mɛ so, aɖɔ asɛ, “Kide so pɛɛ nɔ nyɛna atɔkpumkpã ebui ɔkpɛ wɔnɔ idzyi mɛ ana?

Marko 3:3

Yesu etsre anyɛ ɔhwɛsisiku nɛ asɛ, “Lɔ kititi nɛ anɔnyanɔ amɛ.”

Luka 13:12

Gɛ Yesu amɔɛ yɛ, eklu yɛ amɛna otugba klɛ aɖɔ tsre yɛ asɛ, “Adzɛ, be bule wɔ nɛ wɔ bunya nɛ mɛ.”

Luka 5:22

Yesu eti ebui nɛ gɛ ba ɖɔ nɛ balɛ mɛ klɛ ebisi asɛ, “Kɛdeso gɛ nɔ ɖɔ ebuianɛ nɛ wunɔ dzyi mɛ?

Luka 6:9

Ɔkɛlɛ Yesu aɖɔ etsre alɛ sɛ, “Ibisi nɔ sɛ, kiɖueɖu ɔshã nɔ kɔɛ dzo nɛ Kimuenewi nɛabha: tɛ babhɛtɛ kɛdzyɔgo pɛnɔ tɛ babhɛtɛ kizizi, tɛ bayɛkɛ ɛkpã kɔ anɔ pɛnɔɔ bezi yɛ ɛkpã?”

Yohanɛsɛ 2:25

Adɛ pɛɛ kibui mumɔɖɔ denɔ anɔ shu, alasɛ enyi kɛdɔnɔ gɛ kɛlɛ anɔ mɛ.

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 9:4

Anasɛ gɛ kinu kelizɛza, alasɛ tɛ buwa agɛ akpɛ mɛ nɛ xwɛ. Elishi aba, gɛ anɔnyanɔ atɛa waɛxwɛ.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 26:26

Ekusigbla nɛ enyi ebuia nɛ di mɔɔ mɔ, klɛ ɛba na kaɖɔ ɖɔ tsre yɛ bɔbɔɛ bɔɛ. Ɛyɛkɛŋa sɛ kɛkanyaka dɛ gba yɛ kide sɛ adɛ mɔ klɛ, alasɛ ganɛ okpukpukɔ la bhɛtɛ alɛ.

Filipianɛ 1:28

kifu masimasi maza kɛlɛ mɛ nɛ kidzonyɛdzo abha anɛ bagɛ ba lɔɛ titi nɛ wɔnɔ shu. Kɛ nɛ kɛlɛ nu kɛdɔmumɔ kɔ alɛ sɛ ba be zi alɛ, pɔ sɛ ba be bhui nɔ ayɛkɛ—klɛ Kpaya aba kɔ nɔ ŋa kabha.

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

1 Petro 4:1

Kɛlɛso, kibelɛlɛ gɛ Kristo amɔ butɔ nɛ yɛ shuidzya mɛ, nɔ bala wũnɔ shu tsyɛ nɛ kidzo lɛlɛ nɛabha, alasɛ anɔ gɛ amɔ butɔ nɛ yɛ shuidzya mɛ aŋa buzizi abha.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.