Luka 6:49 - ONUGBÙ NYƐNYÃ VUVƆ

⁴⁹ Pɔ anɔ nɛ gɛ enu mɛ bui klɛ adɛ yɛkɔ lɛ akpɛ tɛbhɛbhɛtɛ mɛ enu anasɛ anɔ gɛ edi tsu ozi gɛ lɔ dzu klɛ edzu buvu nɛ atrɔ kɛsukpa kpɛkpaɛ abha. Kɛbenɔ nɛ gɛ budekeni nɛ odi ba yalɛ buvu nɛ, bu tsra klɛ bu yɛ petee.”

Luka 6:49 ပူးပေါင်းရင်းမြစ်များ

Mateo 23:3

So alasɛ tɛ nɔ ta balɛ atɔ tɛ nɔ zɔɔ bhɛtɛ kɛdɔnyɛdɔ gɛ be tsre nɔ. Pɔ nɔ tɛ bhɛtɛ kɛ gɛ baa bhɛtɛ, alasɛ ba taa bhɛtɛ kɛgɛ baa kasɛ.

Mateo 24:10

Nɛ kibe lɛ nɛ mɛ banɔ gelee ba ba shɛnahwɛ tɛyɛyɛkɛŋa nɛ shu klɛ la ba ga aglɔ esi klɛ la tɛa dɛmɛ aglɔɛbui,

Marko 4:17

Pɔ gɛ igu dɛ za alɛ so la dɛ za nɛ ɛkpã dzidze. Kibe lɛ gɛ butɔ ɔdɔgɔsɛ tɛkpɛkpatɔnɔ ba nɛ kibui nɛ shu ko ba wɔlɛ kplitaa.

Luka 12:47

“Axwɛdɛ alɛlɛ gɛ enyi yɛ apalete nɛ tɛpɛpɛ klɛ adɛ bala ɔdɔgɔsɛ adɛ bhɛtɛ atrɔ kɛgɛ yɛ apalete nɛ apɛɛ ba be tui yɛ nɛ̀ ekpli gelee.

Luka 19:14

“Pɔ nɛ yɛnahwɛ banɔ gɛ ba dɛ pɛɛ yɛ bui nɛada kpɛ banɔ nɛ yɛede sɛ bede tsre ba gɛ bedzu yɛ bukusi nɛ asɛ, ‘butɛ pɛɛ anyɛanɛ sɛ tɛ ebedzi bulɔ ekusi.’

Luka 19:27

Pɔ ba gɛ bata pɛɛ mɛ bui gɛ ba dɛ pɛɛ sɛ tɛ ɛŋa balɛabha—gbanɔ balɛ ɔmɛna ɔkɛ̃ tɛ oyi alɛ nɛ mɛ amɛ.’ ”

Luka 6:46

“Kɛde so gɛ nɔ klu mɛ sɛ, ‘Apalete, Apalete,’ klɛ nɔ tɔ bhɛtɛ kibui nɛ gɛ ɛɖɔ?

Luka 6:48

Edzi anasɛ anɔ gɛ èdzu buvu, gɛ etsu ozi gɛ lɔ dzu klɛ akpɛ bu lɛe si nɛ aklãgbu abha. Kɛbenɔ gɛ budekeni yi gbɛgba gɛ odi na yalɛ buvu nɛ, pɔ budɛ hwanɔ lɛ, alasɛ bana lu dzu.

Luka 7:1

Kɛbelɛlɛ gɛ Yesu aɖɔ ebuianɛ petee beke kɔ banɔ nɛ tɛ nunu, etsoku Kapenaum.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Axwɛwɛwa 20:29

Inyi sɛ mɛ tɛ shɛshɛ̃e de, ayakpam bukudzɔgɛ zizi ba za wɔnɔɛshi klɛ ba tɛ ba yɛkɔ etsye ibhoshiha.

Axwɛwɛwa 26:11

Ebem nɛɛ ɛlɔ nɛ oxogokɔvu nɛm ɛvɛ bunɛ nɛm sɛ tɛ ɛda di lɛ ɔkɔ sɛ be he butɔ kɔa lɛ, klɛ ɛtrɔa lɛa bha sɛ tɛ ba ɖɔ ebusobui. Nɛ mɛ kititi lulɔ nɛ balɛ shu mɛ nɛ, ɛyɛkɔ trɔ shu ga kidzo vɛ busukpa bhlatɔ ɛmagblam ɛda kpatɔnɔa lɛ.

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.