Luka 6:42 - ONUGBÙ NYƐNYÃ VUVƆ

⁴² Kɛlɛ ɔbɔ na ɖɔ tsre wɔ adzya, ‘Adzya, kɔ mɛ bu osi apɛ bhli nɛ wɔ kɛwɔ̃hũ nɛ mɛ,’ nɛ kɛbe lɛ gɛ wɔnahwɛ ɔdɛ mɔ kesukpogunu nɛ wɔ nahwɛ kɛwɔ̃hũ nɛ mɛ? Wɔ etroni, putɔ tɛ obu kesukpogunu nɛ wɔ kɛwɔ̃hũ nɛ mɛ, klɛ flogo pɛ ɔbɔ mɔ mɔmɔ pɛ obo bu osi apɛ bhli nɛ wɔadzya kɛwɔ̃hũ nɛ mɛ.

Luka 6:42 ပူးပေါင်းရင်းမြစ်များ

Mateo 26:75

Ɔkɛlɛ Petro abaka ebui nɛ gɛ Yesu aɖɔ etsre yɛ asɛ, “Flogo tɛ ɔkukɔ ɔbɔ bɔ, wɔ ɔbɔ dɛada ada tata sɛ oti nyi mɛ.” Ɔkɛlɛ Petro ekoeyi ashɛ̃ klɛ ede bi iyuyo popoopo.

Mateo 7:3

“Kide pɛ odoo di kishi bhli nɛ gɛ kpasɛ wɔhaɛ nɛ kɛwɔ̃hũ nɛ mɛ ɔkɔ, pɛ ɔshɛnahwɛ kesukpogunu nɛ gɛ ka kpasɛ wɔɛ yɛ nɛ mɛ nɛ shu?

Mateo 7:4

Kɛlɛ obo tsre wadzya sɛ, ‘Kɔ mɛ bu kishi nɛ kɛwɔhũ nɛ mɛ kɔ wɔ,’ nɛ kibe lɛ gɛ kesukpogunu alɛ wɔɛyɛ nɛ mɛ kibenyɛbe?

Luka 13:15

Apalete ebushunu akɔ yɛ asɛ, “Wunɔ betroni! Wunɔ mayɛ kanyaka nɛ Kimoenewui abha ebe bule yɛ nɛntsyɔɛ pɛnɔ kitukuaga nɛ yɛ ohuimɛ klɛ agbanɛ yɛ avɛnɔ sɛ tɛ ada kɔ yɛ buni?

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

Luka 6:41

“Kɛde so gɛ odi osi apɛ bhli nɛ gɛ akpasɛ wɔadzya kɛwɔ̃hũ nɛ mɛ ɔkɔ klɛ ɔtɔ yɛkɔ kibuinyɛbui nɛ kesukpogunu nɛ gɛ akpasɛ wɔ kɛwɔ̃hu nɛ mɛ ɔkɔ?

Luka 6:43

“Osi dzyɔgo lɔtɛ yu eyuyu zizi, ɔdɔgɔsɛ osi zizi lo yu eyuyu dzyɔgo.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 8:21

Ɔzakɔ ɔdɔgɔsɛ ɔŋakɔ kanyaka ma kɔ wɔ nɛ kibui kɛxwɛwɛwaɛ nɛm, alasɛ wɔ idzyim adɛ na nɛ Kpaya amɛ.

Romanɛ 2:1

So, wɔnɔ nɛɛ, kideyiyi ma kɔnɔ, wɔnɔa gɛ okulu bhui nɛ anɔ bhlatɔ, alasɛ kibenyɛbe gɛ okulu kebui nɛ wɔhayɛ, wɔ nahwɛ shu ozi, alasɛ wɔ nɛ gɛ okulu bhui nɛ anɔ nɛ tsyɛ ɔbhɛtɛ ebui alɛ nɛɛ di.

2 Kɔrintioanɛ 5:18

Anɛ petee de Kpaya kɔ, yɛ abhɛtɛ terikpo nɛ lɔ aganɔ Kristo abha klɛ akɔ lɔ kɛxwɛwɛwa nɛ terikpobhɛbhɛtɛ shu,

2 Timotio 2:21

Onu gɛ anɔ teli eŋuse yɛ shu ebu nɛ kɛgɔgɔɛ nɛ mɛ, ebe dzi kɛxwɛwadɔ kɔ kibui gbɛgbla tɛbhɛbhɛtɛ, gɛ ba bhɛtɛ lɛ pɛ kɛlɛ shu bhui, gɛ kɛlɛ kɛxwɛwa mɛ kɔ Apalete klɛ ba bala kɛlɛ elu kɔ kɛxwɛ dzyɔgo kanyaka wɛwa nɔ.

2 Petro 1:9

Pɔ onugɛ aanɛ la ma anɔ teli ahwɛ, pɛ ataa mɔ nɛ odzidzekɔ klɛ epu anhũ, klɛ adzɛkɛ sɛ be ti plu yɛ shu aba fla nɛ yɛ buzizi.