Luka 6:35 - ONUGBÙ NYƐNYÃ VUVƆ

³⁵ Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Luka 6:35 ပူးပေါင်းရင်းမြစ်များ

Mateo 5:9

Ba yula beboevu, alasɛ balɛ le be kulu asɛ Kpaya yeyialɛ.

Marko 5:7

Akpɛ ogugu gɛganɛɛ asɛ, “Yesu, Apaletedɛ nɛ yɛ Eyi, kɛdee wɔ pɛɛ denɔ mɛ ɔkɔ? Tanɛ Kpaya sɛ ɔtɛ bɔ bhɛtɛ mɛ kibui kpã!”

Luka 1:32

Aba gbɛgbla klɛ be be klu yɛ asɛ agɛ Agbɛgbladɛ nɛ yɛ Eyi. Apalete Kpaya aba yɛ kɔ yɛ aka Daviti bukusi nɛ akɔ yɛ,

Luka 6:36

Di anɔ eshutukubui, anasɛ gɛ wɔ Aka edi anɔ eshutukubui.

Yohanɛsɛ 13:35

Nɛkɛlɛmɛ banɔ petee ba beti sɛ mɛ badɔkpasɛ nɔ nu, onugɛ nɔ dɛmɛnɔ nɛ ehaglɔ.”

Yohanɛsɛ 15:8

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Axwɛwɛwa 14:17

Pɔ adɛ shɛ̃nahwɛ ishu shu elu sɛ ba tɛ ba mɔ kibui aɖɔ nɛ yɛ shu: Ebu yɛ ɛyamyuyɔ akasɛ ganɔ subha kukɔ nɔ mɛ denɔ owũsise anɛ buyamɛdɔ nɛ kɛlɛ be dzyɔgo mɛ, akɔ nɔ kɛdɔŋɛŋa gelee klɛ eyuku wɔnɔ idzyim nɛ same.”

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

2 Timotio 3:2

Banɔ ebe ku ishu awɔ̃, banɔ gɛ aɖɔ ehoeyi ishufifeke, ishuawɔ̃ kuku, kɛdɔkukula, butɔ matamata nɛ balɛ beni anɛ balɛ aka lɛ, ahwɛ mahumahu, ishumabhui mabhui,