Luka 6:27 - ONUGBÙ NYƐNYÃ VUVƆ

²⁷ “Pɔ ɛtsre nɔ sɛ anɔ nɛ gɛ enu mɛ bui: Dɛmɛ nɛ agɛ adɛ pɛɛ wɔɛ bui, bhɛtɛ kɛdɔdzyɔgo kɔ bagɛ be gu wɔ,

Luka 6:27 ပူးပေါင်းရင်းမြစ်များ

Marko 4:24

Avɛ kɛlɛa bha sɛ, “Lu awɔ̃ nɛ kibui nɛ gɛ oonu nɛ mɔɔ mɔ.” “Kedzyidzyi nɔ gɛ kalɛ shui kɛxwɛ wɔ ɔwa nɛ, kalɛ la ba yɛ kɔ edzyidzyi akɔ wɔ nɔ, klɛ kɛ ba dɛa na.

Luka 23:34

Yesu aɖɔ sɛ, “Aka, yɛkɔtsye alɛ, alasɛ be tinyi kɛdɔ nɛgɛ ba bhɛtɛ.” Klɛ ba yɛkɔ yɛ dɔkpɛkpɛ akɔ ɔhaglɔ nɛ kebisi nɛ nu.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Luka 8:18

Kɛlɛso nɔ ta atɔ mɔmɔ nɛ kɛnu gɛ nɔnu ebui. Anɔ nɛ gɛ kɛdɔ lɛ yɛ ahwɛ ba ba kɔ yɛ gelee, agɛ kɛdɔnyɛdɔ ma yɛ ahwɛ, kɛ gɛ ayɛkɔ sɛ kɛlɛ yɛ ahwɛ tsyɛ ba zia yɛkɛ lɛ nɛ yɛ ahwɛ.”

Luka 8:8

Tsyɛ eyi bhlatɔ wɔlɛ adɔ kesukpa dzyɔgo abha. Le yi klɛ le yu ɛzakɔ kɛfɔɛfɔ dɛ agɛ bahwɛ.” Gɛ aɖɔ kɛnɛ nɛ, akpɛ ogugu gɛganɛ sɛ, “Anɔ nɛ gɛ batɔ lɛ yɛ ahwɛ sɛ tɛ enuu, kɔ ye enu.”

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 16:28

Pɔ Paolo amɔɛ klɛ akpɛ ozi nɛa bha sɛ, “Tɛ zi ishu! Bulɔ pete li ɔkɛ!”

Axwɛwɛwa 7:60

Klɛ avɛ ekuisia bha klɛ ebi gɛganɛa sɛ, “Apalete, yɛkɔ balɛ buzizi nɛ ɔmɔa lɛ nɔ.” Kibe lɛ gɛ aɖɔa na beke ko klɛ ada onugbu.

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

3 Yohanɛsɛ 1:11

Ɔbhɛa mumɔa, tɛ kpasɛ kibui kpã bhɛbhɛtɛ pɔ kɛgɛ nu kɛdzyɔgo. Anɔnyanɔ gɛ abhɛtɛ kɛ gɛnu kɛdzyɔgo ede Kpaya kɔ. Anɔnyanɔ gɛ abhɛtɛ kɛgɛ nu kizizi atɛ mɔ Kpaya.