Luka 3:16 - ONUGBÙ NYƐNYÃ VUVƆ

¹⁶ Yohanɛsɛ etsre balɛ petee asɛ, “Ɛkpɛ buni kɔ nɔ nɛ buni. Pɔ kemi anɔ teli aba ba gɛ adɛ mɛ, yɛ ɔtsreklɔ ohui tsyɛ ɛdɛna gɛ ɛba bule. Yɛ aba kpɛ buni kɔ nɔ nɛ̀ Ɔfufɔɛ dzyɔgo nɛ kifu.

Luka 3:16 ပူးပေါင်းရင်းမြစ်များ

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Mateo 3:12

Yɛ, kawɛ̃sa nɛ kalɛ yɛ ahwɛmɛ, klɛ ebe ŋuse yɛ kedzripi, aba yalɛ yɛ agɔnɛ nɛ ada kpɛ owulem klɛ aba pɔɛ tɛhwɛ nɛ kifu gɛ tɛ ba ni di mɛ.”

Yohanɛsɛ 1:26

Yohanɛsɛ aɖɔ sɛ, “Mɛ ɛkɛuni nɛ buni, pɔ wunɔɛ mɛ anɔ teli alɛ gɛ nɔ ti nyi.

Yohanɛsɛ 1:27

Yɛ nu anɔ nɛ gɛ aba ba nɛ mɛede, klɛ yɛ ɔtsrɛklɔ ohui tsyɛ ɛtɛ bana bulɛ.”

Yohanɛsɛ 1:33

Ɛgɛ ta ti yɛ, ɔdɛsɛ anɔ nɛ gɛ akpɛ mɛ sɛ tɛ ɛkpɛuni kɔ banɔ nɛ buni yɛ tsre mɛ, ‘Anɔ nɛ gɛ nɔ mɔ sɛ Ɔfufɔɛ nɛ zhi ba klɛ lɔ wɔ, yɛ nu agɛ aba kpɛni nɛ̀ Ɔfufɔɛ Dzyɔgo.’

Yohanɛsɛ 7:38

Anɔ gɛ ayɛkɛ mɛ abhaŋa, abà mɔ kɔ. Klɛ tɛ ɔkɔ yɛ awɔɛ̃ ni, Kpayaeplukpa nɛ ɖɔ sɛ, ɛkpã keni buni, bu ba kpɛ nɛ yɛ mɛ.”

Axwɛwɛwa 1:5

Alasɛ Yohanɛsɛ akpɛ buni kɔ anɔ nɛ buni, pɔ nɛ ewi bhli teli mɛ, ba ba kpɛ buni kɔnɔ nɛ Ɔfufɔɛ Dzyɔgo.”

Axwɛwɛwa 10:44

Kibe lɛ nɛ gɛ Petro eke dzia ɖɔ ebuia nɛ, Ɔfufɔɛ Dzyɔgo nɛ ɔba anɔnyanɔ gɛ enu kibui nɛa bha.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.