Luka 23:2 - ONUGBÙ NYƐNYÃ VUVƆ

² Klɛ be tenɔ kibui yɛkɔ nɛ yɛ shu aɖɔ sɛ, “Bu mɔ anyɛ anɛ gɛ alɔɛ titi nɛ bulɔ ɔma nɛ shu. Alɔɛ titi nɛ kadzɔ kukɔ kɔ Kaizaro klɛ abhɛtɛ yɛ shu sɛ yɛ enu Kristo ekusi.”

Luka 23:2 ပူးပေါင်းရင်းမြစ်များ

Mateo 17:27

“Pɔ sɛ tɛ bu tɛ da nɛ balɛa bha, vɛ kɛvɔ nɛ mɛ tɛ ɔdɔ kpɛ wɔ ɖaɖuwɛ. Yɛkɔ kɛkpã tutɔpu nɛ gɛ obo bu, yaka kɛlɛ onugbu nɛ mɛ klɛ ɔbɔ mɔ kɔba tɛalɛ̃ kihoeyi tili. Yɛkɔɛ lɛ tɛ ɔdɔ kɔ kadzyɔ nɛ mɛ nɛ wɔnɔ nu.”

Mateo 22:21

Be bui lɛ nu asɛ, “Kaɛza yɛ.” Ɔkɛlɛ etsre alɛ asɛ, “Yɛkɔ kɛgɛ nu Kaɛza yɛ nɛ ɔkɔ Kaɛza, tɛ ɔyɛkɔ kɛgɛ nu Kpaya yɛ nɛ ɔkɔ Kpaya.”

Mateo 27:11

Nɛ kɛlɛ mɛ Yesu eli kititi nɛ ɔma ekusigbla nɛ amɛ, klɛ ebisi yɛ asɛ, “Wo nu Yuɖanɛ ekusi?” Yesu ebui lɛ nu asɛ, “Ee, kɛlɛ ansɛ gɛ ɔɖɔɛ lɛ.”

Marko 12:17

Klɛ Yesu etsre balɛ asɛ, “Kɛgɛ nu Kaɛzaro yɛ tɛ nɔ yɛkɔ kɔ Kaɛzaro tɛ nɔ yɛkɔ kɛgɛ nu Kpaya yɛ nɛ ɔkɔ Kpaya.” Klɛ kɛ bhɛtɛ alɛ bi.

Marko 15:2

Pilato ebisi Yesu asɛ, “Wɔ nu Yuɖanɛ ekusi dza?” Yesu asɛ, “Ee, kɛlɛ ansɛ gɛ ɔɖɔ.”

Luka 23:14

klɛ aɖɔ tsre alɛ sɛ, “Nɔ mɛna mɛ anyɛ anɛ anasɛ agɛ akpɛ banɔ sɛ tɛ balɔ kititi nɛ ɔma nɛ shu. Ɛnyɔ yɛ shu nɛ wunɔ amɛ klɛ ɛdɛmɔ kɛ gɛ lɛ so gɛ nɔyɛkɔɛbui nɛ yɛ shu.

Luka 23:5

Pɔ ba za lɛabha sɛ, “ Akpɛ ebla nɛ banɔ petee gɛ balɛ Yuɖea shi ganɔ yɛ kɛdɔkɛkasɛ mɛ. Akpɛesi nɛ Galelia klɛ atɔnɛ dzo aba ɔkɛ̃ nɛ.”

Yohanɛsɛ 18:29

Kɛlɛso Pilato ekoeyi avɛ balɛ ɔbha klɛ ebisi alɛ sɛ, “Kibui ɖuweɖu nɔ yɛkɔ nɛ anyɛa na shu?”

Yohanɛsɛ 18:30

Baɖɔ sɛ, “Ɔtɔsɛ adɛ bhɛtɛ kibui kpã,” “bɔ gɛta gbanɛ yɛ mɛna wɔ.”

Yohanɛsɛ 19:12

Denɔ kɛlɛ nɛabha ɔvɛnɔ, Pilatio awlãkɛ sɛ tɛ ashɛ̃nahwɛ Yesu shu, pɔ Yuɖanɛ ba zɛ lɛabha kpɛ ogugu asɛ, “Onugɛ ɔkɔ anyɛa nɛ ashɛ̃ ɔtio dzi Kaizaro ɔbhɛya. Anɔnyanɔ gɛ ayɛ kɔ shu asɛ enu ekusi alɔɛtiti nɛ Kaizaro shu.”

Axwɛwɛwa 24:13

Klɛ ba tɛ ba na ebui nɛ petee gɛ ba yɛkɔ nɛ mɛ shu nɛ bunu bu nɛ wɔa mɛ.

Axwɛwɛwa 24:5

“Bɔ ba mɔ sɛ anyɛa nɛɛ enu anɔ gɛ akpɛ bunuhu, akpɛ ozi nɛ Yuɖanɛ nɛ kishi kana kanɔm petee. Enu otugbanɔ kɔ Nazarɛtɛanɛ ɔshɛ

Romanɛ 13:7

Buya anɔnyanɔɛ bhɛ gɛ lɛ wɔshu nɛ ɔkɔ yɛ: Onu gɛ kadzyɔ alɛ wɔshu, buya kadzyɔ; onu gɛ kinu ɔdzyɔ kɛlɛ alɛ ɔdzyɔ; kinu tɛyɛyɔkɔ nɛ anɔɛbui mɛ, kɛlɛ alɛ yɛkɔ nɛ Anɔɛbui mɛ, kinu tɛkpɛkpɛ nɛabha, kɛlɛ alɛ kpɛ anɔ nɛabha.