19 Tɛzɛza mɔmɔ ba kɔ wɔ za nɛ kpã.
Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.
pɔ anɔɔ nɛ gɛ aza gɛganɛɛ be be bu yɛ.
Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.
Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.
Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.
Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;
kanyɛtsitsi kamɛna Kpaya ahwɛ tutrɔ, klɛ yɛ ahwɛ tutrɔ laa mɛna kidzoenudidi.
Pɔ onu gɛ bu di kidzoenu kɔ kɛgɛ ka za lɔ ahwɛ, bu poe lɛ nɛ tɛdudɔfɔ̃ mɛ.
Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.
Kɔ Akagbla nɛ etsyina wɔnɔ idzyi nɛ akpɛ Kpaya anɔ ɖuɖɔ anɛ Kristo kanyɛtsitsi mɛ.
Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.
Bu pɛɛ sɛ wɔnɔmɛayɛ nyɛmayɛ nɔ kasɛ kɛdzyɔgo bhɛbhɛtɛ ɔdɔtɔnɔ kibe gugɔɛ, nɛ lɛmɛ sɛ tɛ nɔ bhɛtɛ wɔnɔ kidzoenudidi nɛ za kɛlɛ ɔzakɔ.
Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.
alasɛ no nyi ɔsɛ wɔnɔ tɛyɛyɛkɛŋa tɛfifekedi nɛ bhɔ nɔ kanyɛtsitsi nɛ trɔ.
Kanyɛtsitsi alasɛ tɛ ka wa kalɛ kɛxwɛ nɛ beke sɛ tɛ no she tɛ nɔna, nɔ tɛ za sɛ kɛdɔ tili ma wɔnɔ ahwɛ.
klɛ kɔ kibuititi, ɛshu nyɛnyɛna, klɛ kɔ ishu-nyɛnyɛna, kɛxwɛwɛwa, nɛ̀ kɔ kɛxwɛwɛwa, kpayamɛzɛza,
Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.
Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.
Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.
Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.
