Luka 2:25 - ONUGBÙ NYƐNYÃ VUVƆ

²⁵ Ɔtsɔnɛ anyɛ tɛli aza Yerusalem gɛ be klu asɛ Simeon, gɛ yɛ shu bhui klɛ aza gɛganɛ nɛ busɔlɛ mɛ. Epo agɛ aba yɔ dzyi kɔ Izraɛlanɛ, klɛ Ɔfufɔɛ dzyɔgo nɛ otsri yɛabha.

Luka 2:25 ပူးပေါင်းရင်းမြစ်များ

Marko 15:43

Yosɛfu Arimatiaeyi, anɔgbla nɛ Beshisheha nɛ shi, gɛ yɛ nahwɛ nɛ eedi kidzoe nu kɔ Kpaya bukusiɔŋakɔ, atɔnɔ Pilato avɛ nɛ awɔ̃dzudzum klɛ ede bisi asɛ ayɛkɔ Yesu ishuidzya tsitsi nɛ akɔ yɛ.

Luka 1:41

Gɛ Elizabɛtɛ enu Maria kɛdɔ sɛsɛnɔ nɛ ko, anuvɔ nɛ ahwa nɛ yɛ yamɛ, klɛ Elizabɛtɛ eyuku nɛ Ɔfufɔɛ Dzyɔgo.

Luka 1:6

Banɔ edi tabha nɛ dzi banɔ dzyɔgo nɛ Kpaya amɛ, ba bhɛtɛ atrɔ Apalete nɛ ɛshã nɛ tɛtɛtrɔ nɛabha amɛ makamaka.

Luka 1:67

Yɛ aka Zakaria eyuku nɛ Ɔfufɔɛ dzyɔgo klɛ aɖɔ kibuielu asɛ:

Luka 2:38

Kibelɛlɛ nɛ gɛ ewu aba balɛ ɔbha, Anna ehu Kpaya ahwɛ klɛ aɖɔaɖɔ denɔ anuvɔ nɛ shu kɔ ba gɛ ba lɛ petee bedi kidzoenu kɔ tɛyɛyɛkɛ kɔ Yerusalɛm.

Luka 23:51

agɛ adaa dɛmɛ atrɔ balɛ ebui ɖɛɖɔ anɛ̀ tɛ bhɛbhɛtɛ nɛabha. Ede Yuɖea ɔma toli gɛ be klu asɛ Arimatia klɛ epo Kpaya bukusiɔŋakɔ.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Axwɛwɛwa 2:5

Ɔtsɔ̃ banɔ teli ba za Yerusalɛm gɛ be nu Yuɖanɛ nɛ ge si Kpaya fu denɔ amadi kanyakam nɛ owũsise nɛesi.

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

2 Petro 1:21

Alasɛ kibuiɖɔlu kɛtɛde kɛlɛ odekɔ nɛ anɔ tɛ pɛpɛɛ mɛ, pɔ banɔ baɖɔaɖɔ denɔ Kpaya kɔ anasɛ gɛ Ɔfufɔɛ Dzyɔgo nɛ otuku alɛ.