Luka 18:22 - ONUGBÙ NYƐNYÃ VUVƆ

²² Gɛ Yesu enu kibui nɛ, aɖɔ etsre yɛ asɛ, “Kɛdɔ tirikpo ka gɔ kɔ wɔ. Dɛ kɛdɔnyɛdɔ gɛ kɛ lɛ wɔ ahwɛ tɛ ɔyɛkɔ kɔ betsutsuini, klɛ ehoeyi ba za wɔ ahwɛ nɛ owũsise. Nɛlɛede ba bɔ za mɛede.”

Luka 18:22 ပူးပေါင်းရင်းမြစ်များ

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Luka 10:42

pɔ kɛdɔ trikpo ko lɔ pɛɛ. Maria ebu kɛ gɛ pɛ̃ dɛ, klɛ ba tɛ bayɛkɛ lɛ ashɛ̃nɔ nɛ yɛ ahwɛ.”

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Luka 16:9

Itsre nɔ sɛ nɔ yɛkɔ kanɔɛmɛ ehoeyi tɛ nɔ mɔ ɛbhɛya kɔ shu, sɛ tɛ onugɛ kɛvama, ba ba yɛkɔ nɔ akpɛ ɔzakɔ mabeke.”

Luka 18:21

Anyɛ nɛ aɖɔ sɛ, “Anɛ nɛ petee ɛbhɛtɛ alɛ denɔ kibe lɛlɛ nɛ gɛ ɛnu anyɛnuvɔɛ.”

Luka 18:23

Gɛ enu bui nɛ, amɔ oblo gɛganɛ, alasɛ enu anɔ gɛ ehoeyi alɛ ya hwɛ gelee.

Luka 9:23

Ɔkɛlɛ aɖɔ etsre alɛ petee sɛ: “Onugɛ anɔ teli aba baza mɛede, alasɛ tɛ ashɛnahwɛ shu elu, tɛ ayɛkɔ yɛ butsiosi kiwuinyɛwui tɛ aza mɛede.

Filipianɛ 3:13

Madzyalɛ, mɛnahwɛ ɛdɛ yɛkɔɛlɛ sɛ ɛtɛ ŋa kɛlɛabha. Pɔ kɛdɔ tirikpo gɛ ɛbhɛtɛ: Ɛdzɛkɛ kɛgɛ lɛ mɛede klɛ kɛgɛ lɛ mɛ otugba nɛ ko mɛ kɛka,

2 Petro 3:8

Pɔ nɔ tɛdzɛkɛ kibui tirikpoe nɛ, ɛbhɛyalɛ mumɔa: Nɛ Apalete nɛ amɛ kiwui tirikpo kidzi anasɛ agɔ kɛkpãtrikpo, klɛ agɔ kɛkpãtrikpo kidzi anasɛ kiwui tirikpo.