Luka 18:14 - ONUGBÙ NYƐNYÃ VUVƆ

¹⁴ ‘Etsre nɔ se anyanɛ, anɛ Farisi anyɛ, avɛ bupa mɛ ɛku Kpaya awɔ̃. Alasɛ anɔnyanɔ gɛ efeke shu ba bɛ zhinɔ yɛ, agɛ ezhinɔ shu ba be feke yɛ owunɔ.”

Luka 18:14 ပူးပေါင်းရင်းမြစ်များ

Mateo 23:12

Alasɛ anɔɔ nɛ gɛ ebe feke yɛ shu be be zhinɔ yɛ, klɛ anɔɔ nɛ gɛ ebe zhinɔ yɛ shu be be feke yɛ ewunɔ.

Mateo 5:3

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Luka 1:52

Ezhinɔ bekusi nɛ balɛ bugbu nɛabha lu kesi pɔ akpɛ ba gɛ banyɛna shu nɛabha.

Luka 10:29

Pɔ apɛɛ asɛ tɛ ebushu tsya, kɛlɛ so ebisi Yesu asɛ “Klɛ ane yɛ enu mɛ eshopo?”

Luka 14:11

Alasɛ anɔ gɛ efeke shu ewunɔ ba be zhinɔɛ, klɛ anɔ nɛ gɛ ezhinɔ yɛ shu ba be feke yɛ owunɔ.”

Luka 16:15

Yesu etsre alɛ sɛ, “wunɔ nu banɔ nɛ gɛ nɔ bu shu tsya nɛ banɔ amɛ, pɔ Kpaya enyi wunɔ dzyi mɛ. Kɛdɔnɔ gɛ bayɛkɔ sɛ kinu kɛdɔ gbɛgbla nɛ banɔ amɛ, ki di yi kɛdɔnyɛdɔ nɛ Kpaya amɛ.

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 8:33

Anee gɛ aba yɛkɔ kibui tili nɛ bagɛ Kpaya eti bu nɛ shu? Kpaya ya danɛ anɔ shu.

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Yakobo 4:10

Nɔ nyɛnashu nɛ Apalete nɛ amɛ, klɛ ebe feke nɔ ewunɔ.

Yakobo 4:6

Pɔ akɔ lɔ ɛyamyuyɔ gelee. Kɛlɛ so pɛ Kɛdɔŋuŋlɔmɛ nɛ ɖɔ sɛ, “Kpaya alɔ kititi nɛ agɛ efekeshu nɛ shu pɔ akɔ agɛ ezhinɔ ishuesi nɛ ɛyamyuyɔ.”