Luka 17:30 - ONUGBÙ NYƐNYÃ VUVƆ

³⁰ “Kanakɛ kɛbaza nɛ kiwui nɛabha gɛ ba be bu Anɔdzyrame Yi akasɛ.

Luka 17:30 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 24:3

Gɛ Yesu ezhidzi Olivɛ butu nɛa bha, yɛ badɔkpasɛ nɛ aba yɛ ɔbha nɛ tɛkpukpum. Klɛ ba ɖɔ asɛ, “Tsre lɔ, ” “kibe ɖueɖu mɛ kibui nɛ ba ba kɛlɛ mɛ, klɛ kide gɛ ba dzi wɔ tɛbɛba nɛ kɛdɔmumɔ nɛ kibe nɛ tibibeke mɛ?”

Mateo 24:37

Anasɛ gɛ kɛza nɛ Nowa kibe, kana kɛba za nɛ Anɔdzyrame yɛ Eyi nɛ tɛ bɛ ba mɛ.

Mateo 24:39

klɛ be di ti kibuinyɛbui denɔ kɛ gɛ baa ba nɛ shu, ɔdɔ nanɔ kibe lɛ gɛ buni nɛ ba gbɛgba klɛ bu yɛkɔ balɛ petee ashɛ̃nɔ. Kana kɛba za nɛ Anɔdzyrame yɛ Eyi nɛ tɛ bɛba mɛ.

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Marko 13:26

“Nɛ kibee lɛ nɛ mɛ banɔ aba mɔ Anɔdzyrame yɛ Eyi nɛ gɛ aaba denɔ ɔmunɔ nɛ mɛ nɛ kemi gɛganɛɛ nɛ same mɛ.

Luka 17:24

Alasɛ Anɔdzyrame Yi nɛ yɛ kiwui nɛ mɛ kɛ ba dzi anasɛ sɛbhaɛfu bubu, gɛ ebui fu mlãmlã nɛ kɛlɛmɛ akana ɔkɔ terikpo ɔvɛnɔ ɔbhlatɔ kɔ.

Luka 17:29

Pɔ kiwui nɛabha gɛ Lɔt ashɛ̃ nɛ Sodom, kifu wɔlɛ denɔ owũsise klɛ la tã banɔ nɛ petee.

Luka 21:22

Alasɛ kɛɛ nɛ kɛlɛ nu kibe kɔ batɔ tɛtɛtɛta nɛ kɛlɛmɛ tɛbɛba kɔ kɛgɛ ba ŋlɔmɛ elu nɛ petee.

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

1 Kɔrintioanɛ 1:7

Kɛlɛso ɔfufɔɛmɛ dɔkukɔ kanyakama gɛ kɛma wɔnɔ ahwɛ anasɛ gɛ nɔ po gɛganɛ bulɔ Apalete Yesu Kristo sɛ tɛ be buakasɛ.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

1 Petro 1:13

Kɛlɛso nɔ kpɛ kɛtɔkpu mɛ kɔ tɛbhɛbhɛtɛ, nɔ nyɛna shu, nɔ za kidzodidi abha mɔmɔ kɔ kɛdɔkukɔ kɔ tɛ ba kɔ nɔ kibelɛlɛ nɛ gɛ be be bu Yesu Kristo akasɛ.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.