Luka 17:16 - ONUGBÙ NYƐNYÃ VUVƆ

¹⁶ Ezhiadɔ nɛ Yesu butsrukpɔ nɛ ɔbha klɛ ehu yɛ ahwɛ—klɛ anɔ nɛ edzi Samaria eyi.

Luka 17:16 ပူးပေါင်းရင်းမြစ်များ

Mateo 10:5

Banɔ lɔfɔntɛabha nɛ gɛ Yesu akpɛ asɛsɛ anɛ ɛshãɛ nɛ asɛ: “Nɔ tɛ ga nɛ bagɛ ba dɛ ayɛkɛ Kpaya abha aŋa ɔdɔgɔsɛ tɛ no do tsoku Samarianɛ ɔma nyɔma mɛ.

Mateo 2:11

Gɛ be de ku bupa nɛ mɛ, ba mɔ ŋɛvuvɔ anɛ yeni Maria, klɛ be zhiakpla klɛ ba kpɛ kɛtɔkpuesi akɔ yɛ. Ɔkɛlɛ ba danɛ balɛ ɔkpɛtɛ klɛ be bu kɛdɔkukɔ ansɛ, elifi anɛ sɛkadzɛdzã anɛ babɔhuhu akɔ yɛ.

Marko 5:33

Ɔkɛlɛ adzɛ nɛ gɛ enyi kɛdɔnɔ nɛ gɛ ba yɛa bha so nɛɛ, ekoeyi aba klɛ ebe zhiadɔ nɛ yɛ otugba, klɛ eshuku nɛ kifu, klɛ etsre yɛ kɛ gɛ ba nɛ yɛa bha.

Luka 17:17

Yesu ebisi asɛ, “Anɛ banɔ lɔfɔ petee shu bhui? Fakɔ banɔ tiezhita gugɔɛ nɛ alɛ?

Luka 5:8

Gɛ Simɔn Petro amɔ ebuia nɛ, ezhi akpla ekuisiesi kɔ Yesu, klɛ aɖɔ asɛ, “Shɛ̃ nɛ mɛ ɔbha, Apalete, enu kanɔ gɛ abhɛtɛ buzizi!”

Yohanɛsɛ 4:9

Samaria adzɛ etsre yɛ asɛ, “Yuɖaeyi wɔ nu klɛ mɛ ɛnu Samaria adzɛ. Kɛlɛ kɛbaza sɛ tɛ obisi mɛ buni wuwɔɛ?” (Alasɛ Yuɖanɛ nɛ Samarianɛ batɛ bhɛtɛ kidɔ tirikpo.)

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Yohanɛsɛ 8:48

Yuɖanɛ be bui lɛ nu kɔ yɛ asɛ, “Bulɔɛ yɛ dɛ ŋa sɛ buu ɖɔ sɛ onu Samaria eyi klɛ ɔfufɔɛ zizi otsri wɔa bha?”

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

1 Kɔrintioanɛ 14:25

klɛ ebui kpukpu gɛ lalɛ yɛ idzyi nɛ mɛ la be bu egelee akasɛ. Kɛlɛso aba ezhi akpla klɛ asɔlɛ kɔ Kpaya, gɛ aɖɔ sɛ, “Kɛgbɛagba Kpaya alɛ bulɔɛ shi!”

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 4:10

banɔ shishe afɛtabha anɛ tɛalɛ̃ nɛ awɔlɛ adɔ nɛ yɛamɛ gɛ edzi bukusiegbu nɛa bha, klɛ ba kpɛ kɛtɔkpuesi kɔ agɛ alɛ mabeke mabeke. Ba yɛkɔ balɛ bukusiekutu nɛ elu bukusiegbu nɛ amɛ klɛ la ɖɔ sɛ:

Tɛbubukasɛ 5:14

Kɛdɔbhɛbhɛtɛ lulu tɛlɛ̃ nɛ sɛ, “Tɛkɛbɛlɛm,” klɛ beshishe nɛ be zhiadɔ klɛ ba kpɛ kɛtɔkpuesi.