Luka 16:24 - ONUGBÙ NYƐNYÃ VUVƆ

²⁴ So eklu yɛ, ‘Aka Abraham, di mɛ eshutukubui tɛ ɔkpɛ Lazaro tɛ akpɛ kɛwɔɛ nɛ onugbu nɛ buni mɛ klɛ tɛ ayɔ mɛ kɛnɛkɛ abha, alasɛ ɛmɔ butɔ nɛ kifui nɛ mɛ.’

Luka 16:24 ပူးပေါင်းရင်းမြစ်များ

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Mateo 3:9

Klɛ nɔ tɛ bhɛtɛ kɛtɔkpum sɛ nɔ bɔ na wɔnɔ shu ɖɔ tsre sɛ, ‘Abraham alɛ bulɔ ahwɛ ansɛ aka.’ Itsre wɔnɔ sɛ denɔ aklãgbua nɛ mɛ Kpaya aba na beyi bu kɔ Abraham.

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Luka 16:30

Aɖɔ sɛ, “ ‘Ao, aka Abraham, pɔ onugɛ anɔteli ede bekpuimɛ avɛ balɛ ɔbha, ba be tsyina kitemɛ.’

Luka 19:9

Yesu etsre yɛ sɛ, “Obo nɛ tɛyɛyɛkɛ ba kɔ bupa nɛ, alasɛ anɔ anɛ, tsyɛ, enu Abraham ye yi.

Luka 3:8

Nɔ bhɛtɛ ebui tɛ ba mɔ sɛ nɔ tsyinaɛ temɛ. Klɛ nɔ tɛ kpɛesi ɔɖɔ tsre wunɔ nahwɛ shu sɛ, ‘Abraham ale bulɔ ahwɛ anasɛ bulɔ aka.’ Alasɛ ɛtsre nɔ sɛ denɔ aklãgbua nɛ mɛ Kpaya aba na beyi kɔ Abraham.

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 7:37

Nɛ kiwui gugɔɛ gbɛgbladɛ nɛ kiwuiŋɛŋa nɛ mɛ, Yesu aɖɔ nɛ ogugu asɛ, “Onugɛ oniwɛ̃ ɔta anɔ teli, aba mɛ ɔkɔ tɛ aba wɔɛ̃ buni.

Romanɛ 4:12

Klɛ yɛ eke nu aka akɔ bagɛ be bhui bunyɛnyɛ, gɛ ganɛ sɛ be bhui bunyɛnyɛ ko pɔ baa ga tsyɛ nɛ tɛyɛyɛkɛŋa katsrukpɔ idzukɔ nɛ nu gɛ za bulɔ aka Abraham ahwɛ flogo pɛ ebe bhui bunyɛnyɛ.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

Yakobo 2:13

alasɛ kebhui kukulu eshutukubui madimadi la ba yɛkɔ kasɛ bagɛ edi di eshutukubui nɛ anɔ. Eshutukubui didi aŋa kebhuikuklua bha!

Yakobo 3:6

Kɛnɛkɛ nɛ tsyɛ nu kifu, kanɔ mɛ butsutsɔmɔ anɛ ishuidzya nɛ bupɛ tuli. Kii zi anɔ osi nɛ petee, kɛɛ shɔ anɔ ɛkpã zɛza nɛ petee kifu, klɛ kɛlɛnahwɛ nɛ kɛɛ shɔ ishui fu ganɔ kifu mabeke mabekea bha.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm