Luka 14:27 - ONUGBÙ NYƐNYÃ VUVƆ

²⁷ Klɛ anɔnyanɔ gɛ edi tuku yɛ butsiosi klɛ atɔnɛ mɛ atɛ bana mɛ adɔkpasɛ dzi.

Luka 14:27 ပူးပေါင်းရင်းမြစ်များ

Mateo 10:38

klɛ anɔnyanɔ gɛ adɛ yɛkɔ yɛnahwɛ butsiosi pɛ aaza mɛe de adɛ na kɔ mayɛ tɛdzidzi.

Mateo 13:21

Pɔ gɛ kibui nɛ dɛ kpɛ igu nɛ yɛ mɛ so adɛ nyɛna kibui nɛm dzroɖoɖo. So onu gɛ bunuhu ɔdɔgɔsɛ tɛkpɛkpatɔnɔ tili nya ba nɛ kibui nɛ shu ko awɔlɛ ekoeyi.

Marko 10:21

Yesu edi yɛ klɛ yɛ kibui za yɛ buli. Klɛ asɛ, “Kibui tirikpo gɔ kɔ wɔ,” “Vɛ, dɔ dɛ kɛdɔnyɛdɔ gɛ lɛ wɔ ahwɛ tɛ ɔyɛkɔ kɔ betsyutsyuini, klɛ kɛba kɔ sɛ kɛnɔmɛdɔ kɛ ba za wɔ ahwɛ nɛ owũsise. Tɛ otsodzi ɔba tɛ ɔbɔ za mɛe de.”

Marko 15:21

Anyɛ teli gɛ ede Sirene, Simɔnɛ, gɛ enu Alɛksanda anɛ Rufusɛ alɛ aka, abaa fla denɔ yɛ dzogɛga bha ebe tsoku ɔma nɛ mɛ, klɛ banɔ nɛ ba trɔ yɛa bha sɛ ayɛkɛ butsiosi nɛ etuku.

Luka 14:28

Kɛbɛlɛmɛ sɛ wunɔ mayi teli apɛɛ asɛ tɛ edzu buvuɖɛɖama. Atɛ baza kesi tɛ edi sɛ ehoetashɛ̃ aba yɛkɔ edzu buvuɖɛɖama nɛ nɔ?

Yohanɛsɛ 19:17

Etuku yɛ nahwɛ butsiosi, ekoeyi avɛ Atɔkpuaxwa ɔzakɔ (gɛ beklu nɛ Aramaikɛ bunuhu mɛ asɛ Golgata).

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,