Luka 13:15 - ONUGBÙ NYƐNYÃ VUVƆ

¹⁵ Apalete ebushunu akɔ yɛ asɛ, “Wunɔ betroni! Wunɔ mayɛ kanyaka nɛ Kimoenewui abha ebe bule yɛ nɛntsyɔɛ pɛnɔ kitukuaga nɛ yɛ ohuimɛ klɛ agbanɛ yɛ avɛnɔ sɛ tɛ ada kɔ yɛ buni?

Luka 13:15 ပူးပေါင်းရင်းမြစ်များ

Mateo 15:14

Shɛnahwɛ balɛ shu; be nu awɔ̃hũpuelete gɛ agbanɔ anɔ. Onu gɛ awɔ̃hũpuelete agbanɔ awɔ̃hũpuelete, balɛ petee ba ba tɛ wɔlɛ eku ozi mɛ.”

Mateo 15:7

Wɔnɔ betroni! Yezaya kɛbui dzyɔ gɛ amɔɖɔ nɛ wɔnɔ shu asɛ:

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 23:28

Kana ke, nɛ ɔtɔɔ nɔ wɛ̃ ansɛ banɔ dzyɔgo, pɔ wɔnɔ kɛmɛ nɛ mɛ yuku nɛ buzizi anɛ itrohuhu.

Mateo 7:5

Wɔ etroni, bu kesukpogunu nɛ wɔ kɛwɔ̃hũ nɛ mɛ, tɛ ɔmɔ mɔmɔ kɔ wadzya nɛ yɛ tɛbubu.

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Luka 14:5

Ɔkɛlɛ Yesu ebisi alɛ sɛ, “Onugɛ anɔ teli nɛ wunɔɛ shi ye yi, pɛnɔ wɔ etukuaga awɔlɛ eku ozimɛ nɛ Kimuenewi abha, nɔ tɛ bɔlɔ zia obu yɛ nɛ ozi nɛ mɛ?”

Luka 6:42

Kɛlɛ ɔbɔ na ɖɔ tsre wɔ adzya, ‘Adzya, kɔ mɛ bu osi apɛ bhli nɛ wɔ kɛwɔ̃hũ nɛ mɛ,’ nɛ kɛbe lɛ gɛ wɔnahwɛ ɔdɛ mɔ kesukpogunu nɛ wɔ nahwɛ kɛwɔ̃hũ nɛ mɛ? Wɔ etroni, putɔ tɛ obu kesukpogunu nɛ wɔ kɛwɔ̃hũ nɛ mɛ, klɛ flogo pɛ ɔbɔ mɔ mɔmɔ pɛ obo bu osi apɛ bhli nɛ wɔadzya kɛwɔ̃hũ nɛ mɛ.

Luka 7:13

Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Luka 7:19

akpɛalɛ nɛ Apalete nɛ ɔkɔ sɛ tɛ be bisi asɛ, “Wɔnu anɔ nɛ gɛ aba ba, pɛnɔ budi dzoenu kɔ anɔ bhlatɔ?”