Luka 12:8 - ONUGBÙ NYƐNYÃ VUVƆ

⁸ “Itsre nɔ sɛ, anɔ nɛ gɛ aba dɛmɛ sɛ yɛ ayɛ enu nɛ́ banɔ amɛ, Anɔdzyrame Eyi tsyɛ aba dɛmɛ sɛ yɛ ayɛ yɛ nu nɛ Kpaya axwɛdɛ nɛ amɛ.

Luka 12:8 ပူးပေါင်းရင်းမြစ်များ

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

1 Yohanɛsɛ 2:23

Anɔnyanɔ gɛ ada kada nɛ́ Eyi nɛ́ shu Aka lɛ yɛ ahwɛ, ánɔ nɛ gɛ adɛmɛ atrɔ sɛ Eyi nɛ alɛ Aka nɛ tsyɛ alɛ yɛ ahwɛ.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.