Luka 12:42 - ONUGBÙ NYƐNYÃ VUVƆ

⁴² Apalete ebu shunu asɛ, “Ane ɔtsɔnɛ gɛ enu ebuiti nɛ axwɛdɛdɛ mɛ nɛ gɛ ba bayɛkɛ yɛabhaŋa, gɛ apalete nɛ ayɛkɔ edzu yɛ baxwɛwa nɛ nu tɛ akɔ alɛ kɛdɔŋɛŋa kɔba nɛ́ kibe dzyɔgo?

Luka 12:42 ပူးပေါင်းရင်းမြစ်များ

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

Mateo 20:8

“Gɛ owulago nɛ ɔna, ayalete nɛ etsre yɛ baxwɛwa otugbanɔ nɛ asɛ, ‘Kulu baxwɛwa tɛ ɔbuya balɛ abhɛ nɛ ɔkɔ alɛ, tɛ ɔkpɛe si denɔ banɔ gugɔɛ nɛ gɛ ɔyɛkɔ nɛa bha ɔdɔ nanɔ ba tutɔpu.’

Luka 12:43

Kɛba pɛ̃ kɔ axwɛdɛ alɛlɛ gɛ apalete naba mɔ sɛ aza wa axwɛ flogo gɛ abe tsodzi aba.

Luka 7:13

Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Luka 7:19

akpɛalɛ nɛ Apalete nɛ ɔkɔ sɛ tɛ be bisi asɛ, “Wɔnu anɔ nɛ gɛ aba ba, pɛnɔ budi dzoenu kɔ anɔ bhlatɔ?”

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

1 Timotio 5:17

Ɔha Mɛ banɔshishe nɛ ga gbanɔ ɔha nɛ mɔmɔ ba na sɛ tɛ ba trɔ balɛ ɔkɔ didi nɛa bha, ɔyɛkɔdɛ bagɛ balɛ kɛxwɛ nɛ nu kaɖɔ ɖuɖɔ anɛ kɛdɔkɛkasɛ.

2 Timotio 4:2

Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.

Titusɛ 1:7

Gɛ kɛ tɛ dzi sɛ abhaŋa ahwɛmɛ la yɛkɔ Kpayɛxwɛ nɛ akpɛ, alasɛ tɛ edzi anɔ gɛ kɛpɔ ma yɛ shu—atɛ trɔ anɔa bha, obulo oti ku yɛ zɛazɛa, atɛ yɛkɔ ishu akɔ bulububuku, eti dzi eblapɛ, atɛ za otroedzoe de kɔ kɛdɔmumɔ.

Hebriuanɛ 13:17

Nɔ ta tɔ nɛ bagɛ alɛ nɔ nu tɛ nɔ zhinɔ shu kɔ alɛ kabhaŋɛŋa. Be di nɔabha anasɛ banɔ gɛ ba bebhui nɔ nu. Nɔ ta lɛ batɔ sɛ tɛ same eku balɛ axwɛwuwa, ganɛ tɛ kɛdzi kituku kɔ alɛ, alasɛ kɛtɛ baplɛnɛ nɔ.

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

Hebriuanɛ 3:5

Mose abhɛtɛ atrɔ Kpaya ebui petee abha nɛ yɛ bupa nɛmɛ, klɛ aɖɔ ebui nɛ gɛ la ba ba nɛ otugba.

1 Petro 4:10

anɔnyanɔ awa kɛdɔnɔ gɛ ayɛkɛ shu kɛxwɛ kɔ ɛhaglɔ, nɛ tɛyɛyɛkɛŋa mɛ gɛ kɛ nu Kpaya ɛyamyuyɔ edidedi