Luka 10:40 - ONUGBÙ NYƐNYÃ VUVƆ

⁴⁰ Pɔ Mata yɛ tɛbɛbala buinyɛbui ba trɔ yɛabha. Avɛ Yesu ɔbha klɛ ebisi asɛ, “Apalete ɔdɛ yɛkɔ kebuinyɛbui nɛlɛ mɛ sɛ mada ashɛ̃lɔ mɛ sɛ tɛ mɛ terikpo ɛwa axwɛnyaxwɛ? Tsre yɛ tɛ aba plɛnɔ mɛ!”

Luka 10:40 ပူးပေါင်းရင်းမြစ်များ

Mateo 14:15

Gɛ owulago nɛ ɔɔna, badɔkpasɛ na ba yɛ ɔbha klɛ ba ɖɔ asɛ, “Okpukpukɔ nɔɔ, klɛ keli tsyɛ fli bele. Kpɛ banɔɛza nɛɛ dzo, sɛ tɛ ba vɛ ɛmabhli nɛ mɛ tɛ be de dzi kɛŋɛŋa tili akɔ shu.”

Mateo 16:22

Petro agbanɛ yɛ eyinɔɛ de klɛ ada kpa yɛ. Ɔkɛlɛ Petro aɖɔ asɛ, “Ao, Apalete!” “Kibui nɛ tɛ ba ba wɔa bha!”

Marko 3:21

Gɛ yɛletealɛ nɛ nu kana nɛɛ ba vɛ sɛ tɛ be de di yɛ ɔkɔ, alasɛ baa ɖɔ asɛ, “Ama mɔmɔ.”

Luka 10:38

Gɛ Yesu nɛ̀ yɛ badɔkpasɛ be tsri balɛ dzogɛga nɛabha avɛ, eku kɔxɔɛ teli mɛ ɔklɛ adzɛ teli gɛ yɛ nyi kɛlɛ nu Mata ayɛkɛ yɛ akpɛ yɛ bupa nɛ mɛ.

Luka 10:41

Apalete ebuilɛnu asɛ, “Mata, Mata, otsishu klɛ ɔkpɛ shu tɔ nɛ kɛdɔ bhɛbhɛtɛ gelee shu,

Luka 12:29

Klɛ tɛyɛkɔ wɔ idzyi ɔtrɔ kɛdɔ gɛ ɔbɔ ŋa pɛnɔ ɛbawɔɛ̃, tɛ tsishu kɔɛ lɛ.

Luka 9:55

Pɔ Yesu etsyina klɛ aka balɛ amɛ,

Yohanɛsɛ 11:1

Ɔtsyɔnɛ anyɛ teli gɛ bé klu asɛ Lazarus adɔ nya. Ede Betani, kɔxoe nɛ mɛ gɛ Maria nɛ yɛ ada Mata be de.

Yohanɛsɛ 11:5

Yesu adɛmɛnɔ nɛ Mata, anɛ yɛada anɛ Lazarus.

Yohanɛsɛ 12:2

Nɛ ɔkɛlɛ batɔɛdɔ aŋaɛwui sɛ tɛ bayɛkɔ akpɛ Yesu nyi nɛabha. Mata adɛ axwɛ, nɛlɛmɛ Lazarus aza kesi wɔɛ̃ nɛ kɛdɔnɛ ɔŋakɔ.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”