Luka 10:21 - ONUGBÙ NYƐNYÃ VUVƆ

²¹ Nɛ kɛbelɛlɛ mɛ Yesu eyuku nɛ same ganɔ Ɔfufɔɛ Dzyɔgo nɛabha, aɖɔ sɛ, “Ɛkpɛ nɔ nɛabha, owũsise anɛ kesukpa Aka, Apalete, alasɛ wɔ kpu ebuia petee nɛ̀ bagɛ be nu bebuiti anɛ buplukpa lete klɛ obukasɛ bunuvɔɛ bhli. Ee, Aka, alasɛ kɛnɛ kɛlɛ dzi wɔ tɛpɛpɛ dzyɔgo.

Luka 10:21 ပူးပေါင်းရင်းမြစ်များ

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 21:16

Bee bisi yɛ asɛ “No nu ebui nɛ gɛ bunuvɔɛa nɛ baa ɖɔ?” Yesu ebui lɛ nu sɛ, “Ee,” nɔ kɔ kla, “ ‘Denɔ beyi anɛ bunuvɔɛ bhli nɛ inugbu mɛ nɔ tɛ trɔahwɛ kabhakpɛkpɛ nɛa bha.’ ”

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Marko 10:15

Itsre nɔ kɛgbɛagba sɛ, anɔnyanɔ gɛ atɛ ba yɛkɛ Kpaya bukusiɔŋakɔ ansɛ anuvɔ bhli, atɛ ba na bulɛ mɛ etsoku.”

Luka 15:5

Klɛ onugɛ amɔ ɔlɛ, ebe feke ɔlɛ atrɔ buŋudɔ nɛ same

Luka 15:9

Klɛ onugɛ amɔ yɛ, ebe klu yɛ ɛbhɛyalɛ nɛ yɛ beshopo exogo klɛ aba ɖɔ sɛ, ‘Nɔ mɔ same nɛ mɛ, ɛmɔ mɛ kɔba nɛ ge alɛla.’

Yohanɛsɛ 11:41

Nɛlɛso be bu kɛklãgbu nɛ odzre nɛ kedunu. Kɛlɛ Yesu ebu amɛ kpɛ kabha klɛ aɖɔ sɛ, “Aka, Ihu wɔ ahwɛ sɛ onu mɛ bui.

2 Kɔrintioanɛ 4:3

Klɛ onugɛ bulɔ kibui dzyɔgo nɛ kpu tsyɛ, kikpu kɔ ba gɛ bà lɛla.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Efesoanɛ 1:5

eti klu lɔ sɛ bu nu anasɛ yɛ beyi ganɔ Yeesu Kristo abha nɛ yɛ tɛpɛpɛɛ nɛ́ yɛnahwɛ shui mɛ—