Luka 1:35 - ONUGBÙ NYƐNYÃ VUVƆ

³⁵ Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.

Luka 1:35 ပူးပေါင်းရင်းမြစ်များ

Mateo 1:18

Kana mɛ Yesu Kristo tɛmumɔ nɛ ga pɛ kɛba: Ba kpɛ yɛeni Maria bunuwã akɔ Yosɛfu sɛ tɛ aba gbanɔ, pɔ flogo tɛ la ba zanɛ aglɔ nɛɛ kɛba wɛ̃ sɛ Maria eti munɔ ɛya ganɔ Ɔfufɔɛ Dzyɔgo nɛa bha.

Mateo 1:20

Pɔ kɛlɛede gɛ akpɛ kɛtɔkpum ana nɛɛ, Kpaya axwɛdɛ ebe bu ishu akasɛ yɛ nɛ bulɛla mɛ asɛ, “Yosɛfu Daviti yɛeyi, tɛ si kifu nɛ Maria tɛgbɛgbanɔ vɛnɔ bupa mɛ ansɛ wedzini ana nɛ shu, alasɛ ɛya nɛ gɛ ɛlɛ yɛ shu nɛɛ lɛ de Ɔfufɔɛ Dzyɔgo nɛ ɔkɔ.

Mateo 14:33

Ɔkɛlɛ bagɛ ba kpasɛ opupu nɛ mɛ na kpɛ atɔkpuesi kɔ yɛ, aaɖɔ sɛ, “Kɛgbɛagba wɔ onu Kpaya yɛ Eyi.”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Marko 1:1

Yesu Kristo, Kpayayɛeyi nɛ bui nɛ kesi ɔkpɛkɔ.

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Luka 1:27

nɛ kebite tieli gɛ ke tinyi anyɛ gɛ bakpɛ bunuwã kɔ anyɛ teli gɛ be klu asɛ Yosef, gɛ enu Daviti yɛeshui. Kebite nɛ gɛ ketinyi anyɛ kalɛ nyi kɛlɛ nu Maria.

Luka 1:34

Maria ebisi axwɛdɛ nɛ asɛ, “Kɛlɛ kibui nɛ ba ba lɛ mɛ, gɛ mɛ itinyi anyɛ?”

Luka 1:36

Wɔ eshopo Elizabɛtɛ tsyɛ aba mɔ eyi nɛ yɛ tɛshishe mɛ, klɛ yɛ gɛ baɖɔ sɛ adɛ mɔ eyi akpasɛ yɛ woele ehlomi mɛ.

Yohanɛsɛ 1:34

Ɛmɔ klɛ ɛmɔɖɔ sɛ yɛe nu Kpaya yɛ Yi.”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.