Koloseanɛ 3:24 - ONUGBÙ NYƐNYÃ VUVƆ

²⁴ nɛ kɛbelɛlɛ gɛ onyi sɛ ɔbɔ yɛkɛ kededɔ denɔ Apalete nɛ ɔkɔ anasɛ ahwɛhuhu. Apalete Kristo nɔ dɛ axwɛ kɔ.

Koloseanɛ 3:24 ပူးပေါင်းရင်းမြစ်များ

Mateo 10:41

Anɔnyanɔ gɛ aayɛkɛ atɔnu sɛ enu atɔnu so, aba yɛkɛ atɔnui bhɛ, klɛ anɔnyanɔ gɛ aayɛkɛ anɔnɛna sɛ enu anɔnɛna so aba yɛkɛ anɔnɛna kɛbhɛ.

Mateo 5:12

Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

Mateo 5:46

Onu gɛ ɔɔɖɔ bagɛ baa ɖɔ wɔ, kide ɔbɔ mɔ nɛ kɛlɛ mɛ? Sɛ badɔdzyɔ nɛ tsyɛ baa bhɛtɛ ana?

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 6:5

“Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Luka 14:14

klɛ ba ba yula wɔ. Kɛlɛlɛmɛɛ sɛ ba tɛ ba tsodzi abuya kɛbhɛ akɔ wɔ, wɔɛ bhɛ bubuya lɛ kɔ wɔ nɛ banɔ dzyɔgo tɛlɛlɔɛ wui nɛabha.”

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Romanɛ 1:1

Paolo, axwɛwa kɔ Yesu Kristo, gɛ be kulu sɛ tɛ ebe dzi anɔkpɛkpɛ klɛ be bu yɛ ɔtɔ akɔ Kpaya kibuidzyɔgo—

Romanɛ 14:18

alasɛ anɔnyanɔ gɛ akpɛ kɛtɔkpuesi kɔ Kristo nɛ kidzoe nɛa bha, kɛ ku Kpaya awɔ̃ klɛ banɔa trɔ ahwɛ kɛlɛa bha.

1 Kɔrintioanɛ 11:23

Alasɛ kɛdɔ nɛ gɛ ɛyɛkɛ denɔ Apalete nɔ kɔ klɛ mɛ tsyɛ ɛyɛkɔ kɔ nɔ: Apalete Yesu nɛ elishi ba yɛkɔ yɛ akpahwɛ, ayɛkɔ gbɛ̃gbɛvu,

1 Kɔrintioanɛ 3:8

Anɔ nɛ gɛ aɖa klɛ nɛ agɛ akpɛ ɔlɛ ni kibui tirikpo kɛlɛ lɛ balɛ ahwɛ, klɛ ba ba buya kɛbhɛ kɔ akanyaka nɛ yɛ xwɛ wuwa nɛ nu.

1 Kɔrintioanɛ 7:22

Alasɛ anɔ nɛ gɛ edzi anɔdzidzi kibelɛ nɛ gɛ Apalete nɛ eklu yɛ enu Apalete anɔ gɛ kibunyɛbui dɛ nyɛna yɛ; kanake, anɔ nɛ gɛ alɛ ishuahwɛ flogo gɛ be klu yɛ enu Kristo anɔdzidzi.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Efesoanɛ 6:6

Nɔ talɛ atɔ ganɛ sɛ tɛ bayɛkɛ wɔnɔabhaŋa nɛ kibelɛlɛ gɛ balɛ awɔ̃hu tsri ɛnɔabha, pɔ anasɛ Kristo banɔ dzidzi, gɛ nɔ bhɛtɛ Kpaya tɛpɛpɛɛ denɔ wɔnɔ idzyi mɛ.

Efesoanɛ 6:8

alasɛ nɔ nyi sɛ Apalete ebe hu anɔnyanɔ ahwɛ kɔ kɛdɔ dzyɔgo gɛ abhɛtɛ, onu anɔdzidzi ɔdɔgɔsɛ alɛ ishuahwɛ.

Koloseanɛ 2:18

Nɔ tɛ kɔ anɔnyanɔ gɛ akasɛ ishu sɛ yɛ adɛ klɛ nɛ busɔlɛsɔlɛ kɔ kpaya baxwɛdɛ kɔsɛ ɔdɛŋa abha. Anɔa nɛɛ di avɛ ebui gbɛgbla ɔɖɔ kɔ denɔ agɛ amɔ, klɛ yɛ ɔfufɔɛ maza tɔkpuimɛ kɔ yɛ efekeshu nɛ ebui bhɛbhɛtɛ.

Hebriuanɛ 10:35

Kɛlɛso nɔtɛ yɛkɔ wɔnɔ kemikpɛkpɛ ɔtɛ̃, nɔ bɔ yɛkɛ kɛlɛ nɛ bhɛ gbɛgbla.

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ: