Koloseanɛ 3:23 - ONUGBÙ NYƐNYÃ VUVƆ

²³ Kɛdɔnyɛdɔ gɛ ɔbhɛtɛ, wa kɛlɛ shu kɛxwɛ nɛ wɔ idzyi petee, anasɛ gɛ ɔwaɛxwɔɛ kɔ Apalete, ganɛ kɔ banɔ,

Koloseanɛ 3:23 ပူးပေါင်းရင်းမြစ်များ

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Romanɛ 14:6

Anɔɔ nɛ gɛ ayɛkɔ kiwi tili ansɛ kɛlɛ ɔtɔ, abhɛtɛ lɛ akɔ Apalete. Anɔɔ nɛ gɛ aŋa kɛdzya, aŋa kɛlɛ akɔ Apalete, alasɛ ehu Kpaya ahwɛ; klɛ anɔ nɛ gɛ ata ŋa, abhɛtɛ lɛ ana akɔ Apalete klɛ ehu ahwɛ.

Romanɛ 14:8

Onu gɛ bulɛ nɛ ɛkpã, bulɛ kɔ Apalete; klɛ onu gɛ bu tsi, bu tsi kɔ Apalete. Kklɛso, bulɛ nɛ ɛkpã o bu tsi o, bu nu Apalete nɛayɛ.

Efesoanɛ 5:22

Badzɛ, nɔ zhinɔ shu kɔ wɔnɔ nyine alɛ anasɛ gɛ nɔ zhinɔ shu kɔ Apalete.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

1 Petro 2:13

Apalete nɛ so nɔ zhinɔ ishuesi kɔ kabhaŋɛŋa kanyaka gɛ be lu nɛ banɔɛ shi, kɛbadzi sɛ kɔ ekusi anasɛ kabhaŋɛŋa lete gbɛgbla,

1 Petro 2:15

Alasɛ kɛ nu Kpaya tɛ pɛpɛɛ sɛ nɔ bhɛtɛ kɛdzyɔgo nɔ bɔ zukɔlɔ bugã matimati banɔ kaɖɔ ɖɛɖɔ.