Koloseanɛ 3:17 - ONUGBÙ NYƐNYÃ VUVƆ

¹⁷ Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Koloseanɛ 3:17 ပူးပေါင်းရင်းမြစ်များ

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Axwɛwɛwa 19:17

Gɛ Yuɖanɛ anɛ Grikanɛ nɛ ga lɛ Efesos nɛ be nu kibui nɛɛ, kifu kua lɛ, so nɛ Apalete Yesu kinyi ba ba kpɛ lɛ nɛ kabha.

Axwɛwɛwa 4:30

Bu wɔ ɔhwɛ oyinɔ tɛ obeke banya tɛ ɔbhɛtɛ ebuimumɔ anɛ yiyinɔanɔ nɛ agɛ abhɛtɛbi nɛ ɔganɔ Yesu wɔ axwɛdɛ gɛ yɛshu bhui nɛ kinyim.”

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

1 Kɔrintioanɛ 10:31

So kɛbɛlɛmɛ sɛ ɔŋa o, ɔwɔɛ̃ ɔdɔgɔsɛ kɛdɔnyɛdɔ wɔ ɔbhɛtɛ, bhɛtɛ lɛ petee ɔkɔ Kpaya yɛ kabhakpɛkpɛ.

Efesoanɛ 1:17

Itsri lɛabha bisi sɛ bulɔ Apalete Yesu Kristo Kpaya, ishubhubhui Aka akɔ nɔ Ɔfufɔɛ kibuinyinyi anɛ tibubukasɛ, sɛ tɛ nɔ tii yɛ ɔdɛ ana.

Efesoanɛ 5:20

kibenyɛbe zo hu Kpaya Aka nahwɛ kɔ kɛkanyaka, anɛ bulɔ Apalete Yesu Kristo yɛ nyi mɛ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Filipianɛ 2:11

klɛ kɛnɛkɛ kanyaka bu ɖɔ sɛ Yesu Kristo enu Apalete, kɔ Aka Kpaya ishubhubhui.

Koloseanɛ 1:12

ahwɛhuhu kɔ Aka, gɛ abhɛtɛ nɔ nɔna tɛ nɔ yɛkɛ kpayabanɔ kededɔ nɛ́ kifu tɛtã bukusiŋakɔ.

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

Koloseanɛ 3:23

Kɛdɔnyɛdɔ gɛ ɔbhɛtɛ, wa kɛlɛ shu kɛxwɛ nɛ wɔ idzyi petee, anasɛ gɛ ɔwaɛxwɔɛ kɔ Apalete, ganɛ kɔ banɔ,

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

1 Tɛsolonianɛ 5:18

hu ahwɛ nɛ tɛzɛza kanyakaɛ di mɛ, alasɛ kɛɛ nɛ kɛlɛ nu Kpaya tɛpɛpɛɛ kɔ nɔ nɛ Kristo Yesu mɛ.

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.

Hebriuanɛ 1:5

Alasɛ kɔ baxwɛdɛ ɖueɖu Kpaya eti tsre di sɛ, “Wɔ nu me Yi, obo nɛ idzi wɔ Aka”? Pɛnɔ ɔyɛkɔ plɛnɔ, “ɛba dzi yɛ Aka, klɛ ebe dzi me Yi”?

Hebriuanɛ 13:15

Kɛlɛso, ga Yesu abha, tɛ bu kɔ Kpaya kɛdɔ gɛ nu kɛdɔ pupɔɛ kɔ yɛabhaŋɛŋa—eyuyu ɛnugbu nɛ gɛ lɛ bu yɛ kinyi nɛ akasɛ.

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

1 Yohanɛsɛ 2:23

Anɔnyanɔ gɛ ada kada nɛ́ Eyi nɛ́ shu Aka lɛ yɛ ahwɛ, ánɔ nɛ gɛ adɛmɛ atrɔ sɛ Eyi nɛ alɛ Aka nɛ tsyɛ alɛ yɛ ahwɛ.

1 Yohanɛsɛ 3:18

Banuvɔ mumɔa, nɔ tɛ kɔ lɔ tɛdɛdɛmɛnɔ anɔ nɛ ebuiɖuɖɔ ɔdɔgɔsɛ kɛnɛkɛ titee pɔ kɛ za tɛbhɛbhɛtɛ anɛ kɛgba mɛ.