Koloseanɛ 2:12 - ONUGBÙ NYƐNYÃ VUVƆ

¹² gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.

Koloseanɛ 2:12 ပူးပေါင်းရင်းမြစ်များ

Luka 17:5

Banɔkpɛkpɛ nɛ etsre Apalete nɛ asɛ, “Kɔ bulɔ tɛyɛyɛkɛŋa nɛ kpe trɔ!”

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

1 Kɔrintioanɛ 15:20

Pɔ kɛgbɛagba lɛ nu sɛ ba nyɛmɛ Kristo denɔ bekpuimɛ, eyuyu tɛtɔpu kɔ ba gɛ be tsi.

Galatianɛ 3:27

alasɛ wɔnɔ petee gɛ ba kpɛ buni kɔ nɛ Kristo mɛ wɔnɔ nahwɛ nɔ nyumu Kristo.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Efesoanɛ 3:7

Ɛba dzi axwɛdɛ kɔ kibui dzyɔgoe gɛ bakɔ ganɔ Kpaya ɛyamyuyɔ gɛ akɔ mɛ ɔganɔ yɛ bupu kɛxwɛwɛwae mɛ.

Efesoanɛ 4:5

Apalete terikpo, tɛyɛyɛkɛŋa tirikpo, bunikpɛkpɛ turukpo,

Efesoanɛ 5:14

alasɛ kifu kɛlɛ kɔ kɛdɔnyɛdɔ kɛ wɔɛ̃. Kana so gɛ kɛ ɖɔ sɛ: “Nyɛmɛ, O anɔ gɛ adɔ tra, lɔ koeyi nɛ betsitsi nɛ shi, klɛ Kristo aba tã atrɔ wɔa bha.”

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

Koloseanɛ 1:29

Kɔ kɛnɛ obekekɔ ɛwaɛxwɛ, ɛwlãnkɛ nɛ yɛ kemikpɛkpɛ, gɛ kɛwa kemi shuixwɛ gɛganɛ nɛ mɛ mɛ.

Koloseanɛ 2:13

Kibenɔ gɛ nɔ tsi nɛ wɔnɔ ebuizizi mɛ klɛ nɛ́ bunyɛnyɛ mabhuimabhui nɛ́ wɔnɔ ebuizizi bhɛbhɛtɛ, Kpaya abhɛtɛ nɔ lɛ nɛ ɛkpã anɛ̀ Kristo. Yɛ ya yɛkɔ bulɔ ebuizizi petee etsye,

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 6:2

kɛdɔkɛkasɛ denɔ bunikpɛkpɛ shu, anɛ ahwɛ tɛtrɔ nɛ anɔabha, betsitsi anɛ tɛnyɛnyɛmɛ, anɛ kebhuikuklu gugɔɛ mabeke mabeke.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,