Koloseanɛ 1:4 - ONUGBÙ NYƐNYÃ VUVƆ

⁴ alasɛ bu nu wɔnɔ tɛyɛyɛkɛŋa nɛ Yesu Kristo mɛ anɛ̀ tɛdɛdɛmɛ gɛ nɔ kɔ kpayabanɔ petee—

Koloseanɛ 1:4 ပူးပေါင်းရင်းမြစ်များ

2 Kɔrintioanɛ 7:7

klɛ ganɛ yɛ tɛbɛba nɛ mɛ tite pɔ ɛyamyuyɔ gɛ nɔ kɔ yɛ nɛ tsyɛ. Etsre lɔ denɔ kɛpɛɛ gɛ nɔ pɛɛ sɛ tɛ nɔ mɔ mɛ, wunɔ obulo mumɔ gɛganɛ, wunɔ awɔ̃ zɛza kɔ mɛ, sɛ tɛ mɛ same mumɔ agɛganɛ adɛ tsã.

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Efesoanɛ 1:15

Alasɛ kibui nɛ so, denɔ kibelɛlɛ gɛ wɔnu ɛnɔ tɛyɛyɛkɛŋa nɛ Apalete Yesu abha klɛ wɔnɔ tɛtɛdɛdɛmɛnanɔ kɔ kpayabanɔ petee,

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

Koloseanɛ 1:9

Kibui nɛ so, denɔ kiwuili gɛ bu nu wɔɛ dɔ, bu ka zukɔlɔ kpayaklu nɛ́ wɔɛ tɔkpu sɛ Kpaya ebe yuku wɔ nɛ yɛ tɛpɛpɛɛ ganɔ ɔfufɔɛ mɛ kibuinyinyi anɛ kibuiesi nunu.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 3:6

Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

Filimɔnɛ 1:5

alasɛ inu wɔ tɛyɛyɛkɛŋa anɛ Apalete Yesu nɛ wɔ tɛɖuɖɔ kɔ kpayabanɔ nɛ petee.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

1 Yohanɛsɛ 4:16

Klɛ so bu nyi klɛ bu tsiri tɛdɛdɛmɛnɔ nɛ gɛ Kpaya akɔ lɔ nɛabha. Kpaya enu adɛdɛmɛnɔ. Anɔ gɛ alɛ tɛdɛdɛmɛnɔ mɛ alɛ Kpaya mɛ klɛ Kpaya alɛ yɛ mɛ.