Koloseanɛ 1:28 - ONUGBÙ NYƐNYÃ VUVƆ

²⁸ Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Koloseanɛ 1:28 ပူးပေါင်းရင်းမြစ်များ

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Marko 6:34

Kibe lɛ nɛ gɛ Yesu ede ku pɛ amɔ banɔɛza nɛ piim, eshutukubui eku yɛ nɛ balɛ, alasɛ baza kɔ yɛ anasɛ ibhoshi gɛ agbɛgbanɔ ama kɔ ɛlɛ. So etenɔ balɛ kɛdɔ edidedi kasɛ.

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 13:38

“Kɛlɛso nɛɛ, madzyalɛ mɔ, ɛpɛ sɛ tɛ no ti sɛ ganɔ Yesua bha la ɖɔ buzizi tɛyɛyɛkɔ tsye bui etsre nɔ.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 17:3

klɛ eebu kibuiesi aatrɔ kɛlɛa bha asɛ Kristo nɛɛ alasɛ tɛ aba mɔ butɔ tɛ anyɛmɛ edenɔ betsitsi nɛ kishi. Ɛklɛ Paolo aɖɔ sɛ, “Yesua nɛ gɛ yɛ kibui mɛ ɖɔ nɛ yɛenu Kristo.”

Axwɛwɛwa 20:31

Kɛlɛ so nɔ za nɛ awɔ̃! Nɔ baka sɛ agɔ tata naa ɛka zukɔlɔ wɔnɔ mayɛ kanyaka tsre elishi anɛ kemuze anɛ iyuyo.

Axwɛwɛwa 3:20

klɛ sɛ tɛ asɛsɛ Yesu Kristo, nɛ tsyɛ gɛ eti bu kɔ nɔ.

Axwɛwɛwa 5:42

Kiwi nyɛ wi di ko, nɛ busɔlɛvu nɛ kɛma mɛ, denɔ bupa mɛ ɔvɛnɔ bupa mɛ, ba dɛ zukɔlɔ kɛdɔ nu kasɛ, ba vɛ kibui dzyɔgo nɛ tɛɖuɖɔa bha sɛ Yesu yɛ nu Kristo.

Axwɛwɛwa 8:35

Klɛ Flipo akpɛ kɛsi nɛ kɛdɔ nɛ gɛ akla denɔ Kpay keplukpa nɛ mɛ klɛ aɖɔ Kpaya kibui dzyɔgo nɛ denɔ Yesu shu etsre yɛ.

Axwɛwɛwa 8:5

Flipo ede tsoku Samaria ɔmagbla nɛm klɛ ede bu Kristo kibui nɛ aɖɔ nɛ ɔkɛlɛ.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Kɔrintioanɛ 12:8

Ganɔ Ɔfufɔɛ nɛabha ba kɔ anɔ teli kibuinyinyi ɔsɔ, kɔ anɔ bhlatɔ kɛbuititi ɔsɔ ganɔ Ɔfufɔɛ ɔlɛlɛ nɛabha,

1 Kɔrintioanɛ 15:12

Pɔ onugɛ baɖɔ sɛ ba nyɛmɛ Kristo denɔ bekpui mɛ, kɛlalɛ kideso gɛ wunɔ be teli nɔ ɖɔ sɛ be tsitsi nyɛnyɛmɛ denɔ bekpuimɛ ma?

1 Kɔrintioanɛ 2:15

Ɔfufɔɛ mɛ anɔ ekluebhui nɛ́ ebui nɛ petee shu, pɔ yɛnahwɛ ama gɛ anɔnyanɔ ebe kulu kebhui nɔ:

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

1 Kɔrintioanɛ 4:14

Ɛtɛɛ ŋlɔmɛ kɛ dɔɛnɛ tɛ ɛyɛkɔ kpɛ nɔɛwɔɛ nɔ, pɔ tɛ ɛyɛkɔ tsrenɛ nɔ anasɛ me yialɛ.

2 Kɔrintioanɛ 10:14

Butɛ vɛ fanɔ nɛ bulɔ ishufifeke mɛ, anasɛ gɛ kɛ ba za onugɛ bu dɛ ba wɔnɔ kɔ, alasɛ bu yɛkɛ anasɛ gɛ nɔ lɛ Kristo kibui zyɔgo nɔ bha.

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Efesoanɛ 5:27

klɛ tɛ ayɛkɔ yɛ akɔ yɛnahwɛ anasɛ busɔlɛɔha gɛ ɔpudi, gɛ kibo ɔdɔgɔsɛ tɛlɛlayɛ ɔdɔgɔsɛ kɛpɔ bubu kɔ anɔ bhlatɔ kanyaka shu, pɔ ishubhui anɛ kɛpɔ maŋa maŋa.

Koloseanɛ 1:22

Pɔ ɔtsɔ̃nɛ abhɛtɛ terikpo nɛ nɔ nɛ́ Kristo ishuidzya nahwɛ ɔganɔ butsi tɛ akɔ nɔ shu bhui nɛ yɛ amɛ, kɛpɔ mabumabu klɛ tɛ batɛ mɔ kizizi nɛ wɔnɔ shu—

Koloseanɛ 2:10

klɛ batɛ kɔ nɔ tɛnɛna nɛ́ Kristo mɛ, gɛ yɛ enu kɛtɔkpu kɔ kemi anɛ̀ kabhaŋɛŋa kanyaka.

Koloseanɛ 2:3

nɛ kɛlɛ mɛ le kpu kibuinyinyi anɛ̀ kibuititi petee ɔbalakɔ.

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

1 Tɛsolonianɛ 4:6

klɛ nɛ kibui nɛ mɛ anɔnyanɔ atɛ bhɛtɛ buzizi avɛnɔ yɛadzya ɔkɔ ɔdɔgɔsɛ amɔ kidzo nɛ yɛ shu. Apalete aba tɛta banɔ nɛ petee gɛ ba ba bhɛtɛ ebuizizi alɛlɛ nɛ di nɛ atɔ, ansɛ gɛ bu tɛ tsre nɔ klɛ bu kpɛ nɔ ɔshã.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Timotio 3:2

Ɔtsɔ̃ nɛɛ, abhaŋa alasɛ tɛ aɖama dɛ kɛpɔbubu, edzi adzɛ terikpo yɛenyine, gɛ adɔfɔɔ̃, aŋa ishuabha, anɔ gɛ be be bu yɛbui, ayɛkɛ anɔ, klɛ aba na kɛdɔ kasɛ,

Hebriuanɛ 10:14

alasɛ nɛ ishuyɛyɛkɔtsye tirikpo mɛ abhɛtɛ lɛ kɛna kɔ bagɛ ba bhɛtɛ sɛ tɛ ba lɛ shu bhui ɔvɛnɔ mabeke mabeke.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

2 Petro 3:15

Kɛza wɔɛtɔkpui mɛ sɛ bulɔ Apalete nɛ idzyiyuyɔ kɛlɛesi nu tɛyɛyɛkɛkɔ, anasɛ gɛ bulɔ adzya Paolo tsyɛ aŋlɔmɛ kɔ nɔ nɛ̀ kibuinyinyi gɛ Kpaya akɔ yɛ nɛ shu.