Koloseanɛ 1:18 - ONUGBÙ NYƐNYÃ VUVƆ

¹⁸ Klɛ yɛ nu kɛtɔkpu kɔ ishuidzya, busɔlɛɔha, yɛ nu kesikpɛkpɛ anɛ̀ eyi tɛtɔpu gɛ akpasɛ denɔ bekpu mɛ, sɛ tɛ nɛ kɛkanyaka mɛ aba yɛkɛ agbɛgbladɛ.

Koloseanɛ 1:18 ပူးပေါင်းရင်းမြစ်များ

Mateo 23:8

“Pɔ ama sɛ be kulu nɔ asɛ ‘Adɔkasɛ,’ alasɛ Apalete terikpo ko yɛ alɛ wɔnɔ ahwɛ klɛ wɔnɔ petee no nu badzya.

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

Yohanɛsɛ 1:1

Nɛ kesikpɛkpɛ Kibui nɛ lɛ, klɛ Kibui nɛ lɛ plɛnɔ Kpaya, klɛ Kibui nɛ kɛlɛ nu Kpaya.

Yohanɛsɛ 1:16

Denɔ yɛ ɛyɛmɛyuyɔ nɛna mɛ bulɔ petee bu yɛkɛ tɛyuyula trikpo nɛ aglɔ ede.

Yohanɛsɛ 1:27

Yɛ nu anɔ nɛ gɛ aba ba nɛ mɛede, klɛ yɛ ɔtsrɛklɔ ohui tsyɛ ɛtɛ bana bulɛ.”

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

1 Kɔrintioanɛ 11:3

Ɔtsɔ̃nɛ ɛpɛɛ sɛ nɔ ti sɛ tɔkpu kɔ anyɛnyanyɛ yɛ enu Kristo, klɛ tɔkpu kɔ adzɛ yɛ enu anyɛ, klɛ kɛtɔkpu kɔ Kristo yɛ enu Kpaya.

1 Kɔrintioanɛ 12:27

Ɔtsɔ̃ no nu ishuidzya kɔ Kristo, klɛ anɔnyanɔ enu yɛ kapɛ.

1 Kɔrintioanɛ 15:25

Alasɛ tɛ aza ŋaɛabha ɔdɔtɔnɔ kibenɔ nɛ gɛ ayɛkɔ ba gɛ be gu yɛ petee akpɛ yɛ butsrɛ esi.

Efesoanɛ 1:10

tɛ aba yɛkɔ kpɛ tɛbhɛtɛmɛ nɛ kibelɛlɛmɛ gɛ na kɔ kɛlɛ tɛbhɛbhɛtɛ—tɛ amɛna ebui petee gɛ la lɛ owũsise anɛ̀ kesukpa gɛ kɛxogo nɛ kɛtɔkpu tirikpoesi, Kristo kura tsyɛ.

Efesoanɛ 5:23

Alasɛ adzɛenyine yɛ nu kɛtɔkpu kɔ yɛedzini anasɛ gɛ Kristo enu kɛtɔkpu kɔ busɔlɛɔha, yɛ ishuidzya, gɛ enu Ebhubhuiayɛkɛ.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Koloseanɛ 2:19

Apɔ nɛ Kɛtɔkpu nɛ shu, denɔ agɛ yɛ shu ishuidzya nɛ petee kɛ kpa plɛnɔ klɛ tɛzɛ anɛ kɛdzya nɛ nyɛna xogo, pɛ kɛɛ she ansɛ gɛ Kpaya abhɛtɛ ɛlɛ asɛ kishe.

1 Yohanɛsɛ 1:1

Kɛ gɛ de kesikpɛkpɛ nɛ mɛ, gɛ bu nu, gɛ bu mɔ nɛ bu lɔ awɔ̃hu, gɛ bu di klɛ bulɔ ɛhwɛ nɛ hunɔ—kɛnɛ bu buɖɔ denɔ ɛkpã Ebui shu.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Tɛbubukasɛ 22:13

Mɛ nu Alfa anɛ Omega, Atutɔpu anɛ Agɔgɔɛ, Kesikpɛkpɛ anɛ Tɛbibeke.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.