Koloseanɛ 1:13 - ONUGBÙ NYƐNYÃ VUVƆ

¹³ Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

Koloseanɛ 1:13 ပူးပေါင်းရင်းမြစ်များ

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Luka 13:24

“Bhɛtɛ kɛkanyaka tɛ otsoku ganɔ kedunu shɔɛshɔɛ, alasɛ be gelee, itsre nɔ sɛ, ba ba pɛɛ asɛ tɛ betsoku klɛ batɛ ba na.

Luka 22:53

Kiwuinyɛwui Mɛ ɛlɛ wunɔ bha nɛ́ kpayavu nɛ mɛ, klɛ nɔ dɛ trɔ ahwɛ nɛ mɛa bha sɛ nɔ vu mɛ. Pɔ wunɔe be nɛɛ—gɛ otumu ɔŋa abha.”

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Yohanɛsɛ 3:35

Aka adɛmɛnɔ nɛ Eyi klɛ ayɛkɔ kɛdɔnyɛdɔ akpɛ yɛ ahwɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

2 Kɔrintioanɛ 11:14

Klɛ kɛdɛyinɔ anɔ, alasɛ Satana nahwɛ etsyina anasɛ axwɛdɛ gɛ atɛ̃fu.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Efesoanɛ 4:18

Balɛ kibuiesi nunu dɔ otumu klɛ be bu ɔtɔ denɔ Kpaya tɛzɛza shu alasɛ kibui matimati nɛ gɛ kɛlɛ balɛ mɛ gɛ kide balɛ idzyi gɛganɛ shu.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

1 Yohanɛsɛ 2:8

Tsyɛ nɛ ɛŋlɔmɛ ɔshã vuvɔ kɔ nɔ, ba mɔ ɔlɛ kɛgbɛagba nɛ yɛ mɛ nɛ̀ wũnɔɛ mɛ, alasɛ otumu lɔ fla klɛ kifu kɛgbɛagba kɛ tɛ tenɛ tã.

1 Yohanɛsɛ 3:14

Bu nyi sɛ bu ga denɔ bu tsi mɛ ba ɛkpã mɛ, alasɛ bu dɛmɛnɔ nɛ bulɔ adzyalɛ. Anɔnyanɔ gɛ adɛdɛmɛnɔ nɛ yɛ ɔhaglɔɛ awɔ butsi mɛ.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.