1 Nɔ za tɛdɛdɛmɛnɔ nɛ ɔhaglɔ anasɛ badzya ana.
Kɛnɛ kɛlɛ nu mɛ ɔshã: Nɔ dɛmɛnɔ nɛ ɔhaglɔ.
Gɛ Pentekoste kiwi nɛ na, Banɔkpɛkpɛ nɛ petee be xogo aza ɔkɔ trokpo.
Bagɛayɛkɛaŋa nɛ petee ba za nɛ idzyi anɛ kɛtɔkpum tirikpo. Anɔnyanɔ edi klu kɛnɔmɛdɔ kanyaka sɛ yɛnahwɛ yɛ, pɔ ba ma kɛdɔnyɛdɔ gɛ za balɛ ahwɛ nɛ ɔhaglɔ.
Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.
Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,
Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.
Ga kidzonyɛdzo abha tɛ ɔbhɛtɛ terikpo nɛ̀ Ɔfufɔɛ ɔganɛ ishuyuyɔ nyɛnya mɛ.
klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.
Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.
Klɛ nɔ kɔ lɔ di kɛgɛ buba bhɛtɛ kɔ agulɔ kɔ ishudɛdɛmɛ anɛ adzyɔgo bhɛbhɛtɛ.
Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.
Tɛ dzuamɛ nɛ anɔkanyaka: Nɔ dɛmɛ badzya busɔlɛsɔlɛ, si Kpaya fu, kpɛ ekusi nɛ tɔkpu nɛabha.
Gugɔɛ, wũnɔ petee nɔ za nɛ aglɔbha nɛ terikpo bhɛbhɛtɛ mɛ anɛ aglɔ pɛplɛnɔɛ mɛ, nɔ dɛmɛnɔ aglɔ anasɛ badzya, nɔ di aglɔ eshutukubui nɛ ishunyɛnyɛna.
Nɛ alɛlɛ petee ede, dɛmɛnɔ nɛ ɔhaglɔ mɔmɔ, alasɛ tɛdɛdɛmɛnɔ la dɛ ebuizizi gelee.
klɛ kɔ kpayamɛzɛza, badzya ɛyɛmɛyɛyɔ, nɛ̀ kɔ badzya ɛyɛmɛyɛyɔ, tɛdɛdɛmɛnɔ.
Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.
Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.
Pɔ evunɔ kibui nɛ wɔ shu sɛ: Ɔtɛ shɛnahwɛ wɔ tɛɖuɖɔ tutɔpu nɛ shu.
