Hebriuanɛ 12:25 - ONUGBÙ NYƐNYÃ VUVƆ

²⁵ Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?

Hebriuanɛ 12:25 ပူးပေါင်းရင်းမြစ်များ

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 8:4

Klɛ Yesu etsre yɛ asɛ, “Di kɛlɛ ɔkɔ sɛ odi tsre anɔnyanɔ. Pɔ vɛ, tɛ ɔdɔ yɛkɔ wɔ ishu nɛ ɔkasɛ kpayanɔ tɛ ɔbhɛtɛ kɛdɔ kukɔ ansɛ gɛ Mosesɛ aɖɔ, tɛ kidzi kibuimɔɖɔ kɔ banɔ.”

Axwɛwɛwa 7:35

“Mosea lɛlɛ nɛ gɛ ba dɛ yɛkɛ yɛ anɛ yɛ ebui ɖuɖɔa ko naa, ‘Ane gɛ abhɛtɛ wɔa anɔ gɛ aŋɛa bha anɛ ebhuiklu?’ Kpaya nahwɛ akpɛ yɛa sɛ tɛ ede dzi anɔ gɛ aba ŋa balɛa bha anɛ anɔ gɛ ebe bua lɛ, ganɔ kpaya axwɛdɛ nɛ gɛ ebu shu akasɛ yɛ nɛ ayakpa nɛ mɛ.

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

2 Timotio 4:4

Be be tsyina balɛ atɔ nɛ ashɛnɔ nɛ kɛgba nɛ shu klɛ le be tsyina atɔ balɛ begu.

Hebriuanɛ 1:1

Nɛ kibe gɛ kɛbafla Kpaya aɖɔaɖɔ kɔ bulɔ bakashishe ganɔ atɔnu abha nɛ kibe gelee anɛ edzo gelee mɛ,

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 12:19

kɔ kaxũlɛ̃ olimɛ ɔdɔgɔsɛ kɔ oli tolim gɛ ɔɖɔ ebui gɛ bagɛ be nu alɛ ba kɔkɛtɔkpu asɛ ba taa fla ɖɔ kibuinyɛbui ɔyɛkɔ dɛa na tsre alɛ,

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

Hebriuanɛ 3:17

Klɛ bane shu amɔ oblo agɔ afɛtalɛ̃? Ganɛ ba gɛ ba bhɛtɛ buzizi, gɛ betsi nɛ ayakpa nɛ mɛ?

Hebriuanɛ 8:5

Kɛ xwɛ gɛ bawa nɛ kagba nɛ mɛ kɛ nu kɛdɔ gɛ kiyi dɔ nɛ kɛtɔwui nɛ gɛ kɛ lɛ owũsise. Kɛlɛ so gɛ Mose asɛ dzu kagba, ba kpɛ yɛ ɔshã sɛ: “Di sɛ ɔbhɛtɛ kɛkanyaka kɛsɔnɔ kɛgɛ bakasɛ wɔ nɛ butu nɛabha.”

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”