Efesoanɛ 6:12 - ONUGBÙ NYƐNYÃ VUVƆ

¹² Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Efesoanɛ 6:12 ပူးပေါင်းရင်းမြစ်များ

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Koloseanɛ 2:15

Klɛ gɛ atɛyɛkɛ kemi anɛ̀ kabhaŋɛŋa nɛ balɛ ahwɛ, abhɛtɛ alɛ ba vɛ kede sɛ tɛ anɔnyanɔ amɔ yɛ kabhaŋɛŋa nɛ balɛabha nɛ butsiosi shu.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Efesoanɛ 1:21

nɛ gɛ kaɖamadɛ ɔshã anɛ kabhaŋɛŋa, kɛmi anɛ ɔzakɔ, anɛ kinyi kanyaka gɛ baba na kɔ, ganɛ ɔtsɔ̃nɛ kanɔ anɛmɛ tite pɔ nɛ kagɛ ka tɛba nɛ tsyɛ mɛ.

Romanɛ 8:38

Alasɛ kixuim sɛ butsi ɔdɔgɔsɛ ɛkpã o, kpayaxwɛdɛ ɔdɔgɔsɛ ɛfufɔɛkpã o, ɔtsɔ̃ ɔdɔgɔsɛ otugbam, ɔdɔgɔsɛ kemi kanyaka,

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Efesoanɛ 1:3

Kabhakpɛkpɛ kɔ Kpaya anɛ Aka kɔ bulɔ Apalete Yesu Kristo, gɛ ayula lɔ nɛ owũsiseanɔ nɛ mɛ nɛ̀ ɔfufɔɛ nyɔ fufɔɛmɛ yuyula nɛ Kristo mɛ.

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Yohanɛsɛ 14:30

Ɛtɛaɖɔ kaɖɔ dzidze nɛ nɔ, alasɛ anɔ nɛ gɛ aŋa kanɔ nɛabha aba. Bupu ma yɛ ahwɛ nɛ mɛ shu,

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Yohanɛsɛ 16:11

klɛ nɛ kebhuikuklu nɛ shu, alasɛ ekusieyi nɛ kanɔa nɛ mɛ ɔtsɔ̃ nɛ alɛ kɔ kɛpɔ bubu.

Luka 22:53

Kiwuinyɛwui Mɛ ɛlɛ wunɔ bha nɛ́ kpayavu nɛ mɛ, klɛ nɔ dɛ trɔ ahwɛ nɛ mɛa bha sɛ nɔ vu mɛ. Pɔ wunɔe be nɛɛ—gɛ otumu ɔŋa abha.”

Luka 13:24

“Bhɛtɛ kɛkanyaka tɛ otsoku ganɔ kedunu shɔɛshɔɛ, alasɛ be gelee, itsre nɔ sɛ, ba ba pɛɛ asɛ tɛ betsoku klɛ batɛ ba na.

2 Timotio 2:5

Kana tsyɛ, onu gɛ anɔ teli enu anɔ gɛ awlãnkɛ ansɛ anɔ gɛ akpɛsi, atɛ yɛkɛ kabhaŋɛŋa kikutu gɛ odinu sɛ awlãnkɛ nɛ ɛshã nɛ gɛ be lu nɛ nu.

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Hebriuanɛ 12:4

Nɛ wɔnɔ keyu tɛta sɛ tɛ nɔ tɛ tsoku kizizi mɛ, nɔ kɔ wlãnkɛ shu ɔtɔnɔ kibe gɛ ba beyi nɔ.

Galatianɛ 1:16

sɛ tɛ ebu yɛ Eyianyɛ nɛ akasɛ nɛ̀ mɛmɛ sɛ tɛ ɛba ɖɔ yɛ bui nɛ bagɛ be dinu Yuɖanɛ shi, ɛdɛ da bisi anɔnyanɔ nu,

Marko 4:19

pɔ kanɔa nɛ mɛ butɔ, ehoeyi anɔ wɛwɛɛ, nɛ kɛnɔmɛdɔ tɛpɛpɛ she da kibui nɛ balɛ mɛ, gɛ kɛ kɔ sɛ kibui nɛ dɛ yu.

2 Kɔrintioanɛ 11:14

Klɛ kɛdɛyinɔ anɔ, alasɛ Satana nahwɛ etsyina anasɛ axwɛdɛ gɛ atɛ̃fu.