Efesoanɛ 5:3 - ONUGBÙ NYƐNYÃ VUVƆ

³ Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Efesoanɛ 5:3 ပူးပေါင်းရင်းမြစ်များ

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Luka 12:15

Kɛlɛ aɖɔ tsre alɛ sɛ, “Nɔ di mɔ! Nɔ zanawɔ̃ nɛ kɛdɔ gbɛgbla pɛpɛɛ shu, anɔdzyrame ɛkpã anɛ kɛdɔ gelee zɛza anɔahwɛ mɛ kɛlɛ.”

Luka 16:14

Farisianɛ, gɛ ba dɛmɛ kɔba ebui, benu ebuianɛ petee klɛ bakpɛ onugbuesi kɔ Yesu.

Axwɛwɛwa 15:20

Nɛɛlɛmɛ alasɛ tɛ bu ŋlɔmɛ kɔa lɛ, tɛ bu tsre alɛ sɛ be tsuashɛ̃ nɛ kɛŋɛŋa nɛ gɛ ibuidi nɛ tɛ tutru nɛ shu, anɛ azhuzhɔlɛbui shu, denɔ baga nɛ gɛ be dzyini balɛ ili anɛ dzyosu shu.

Axwɛwɛwa 20:33

Ɛka yɛkɛ anɔnyanɔ sɛkafufu, sɛkadzɛdzã ɔdɔgɔsɛ kɛpɔtɛ.

Romanɛ 1:29

Be be yuku nɛ kɛtɔkpum gɛganɛ kanyakɛ di, butsutsɔmɔ, kɛdɔ gbɛgbla pɛpɛɛ nɛ butafa. Be yuku nɛ kawɔ̃kpɛ, anɔyiyi, ebla pɛpɛɛ, anɔwuwɔɛ anɛ otrohuhu. Be nu aglɔ shuibui aɖuɖɔ,

Romanɛ 16:2

Ibisi sɛ tɛ nɔ yɛkɛ yɛ nɛ Apalete nɛm nɛ banɔnɛna kidzoa bha klɛ tɛ nɔ kɔ yɛ tɛpɛplɛnɔ kanyakɛdi gɛ aba pɛɛ edenɔ wɔnɔ kɔ, alasɛ eti dzi apɛplɛnɔ gbla kɔ banɔ gelee, ɔyɛkɔ plɛnɔ mɛ.

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

1 Kɔrintioanɛ 10:8

Bu tɛ bhɛtɛ aglɔbui, anasɛ gɛ beteli abhɛtɛ—klɛ nɛ kiwui tirikpo mɛ banɔ akpã afɛtabha anɛ tɛata etsi.

1 Kɔrintioanɛ 5:1

B ɖɔɛ lɛ kɛgbɛagba sɛ aglɔbui bhɛbhɛtɛ akpasɛ wunɔ mɛ, klɛ anɛnɛdi kuratsyɛ lama bagɛ badɛyɛkɛŋa nɛ mɛ: Anɔ eklu yɛ akaedzini.

1 Kɔrintioanɛ 6:13

“Kɛŋɛŋa lɛ kɔ ɛyá klɛ ɛyá lɛ kɔ kɛŋɛŋa”—pɔ Kpaya ebe zi kɛlɛ tɛbha. Ba dɛ bhɛtɛ ishuidzya sɛ lɛ dzi aglɔbui bhɛbhɛtɛ, pɔ kɔ Apalete, klɛ Apalete kɔ ishuidzya.

1 Kɔrintioanɛ 6:18

Shɛnahwɛ aglɔbui bhɛbhɛtɛ shu. Ɛbui kpã bhlatɔ petee gɛ anɔ abhɛtɛ le di de yɛ shuidzya nɛ mɛ, pɔ anɔ nɛ gɛ abhɛtɛ aglɔbui buizizi abhɛtɛ buzizi nɛ yɛ nahwɛ shuidzya shu.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

Efesoanɛ 5:12

Alasɛ kɛ nu kɛwɔɛ̃ tsyɛ sɛ tɛ baɖɔaɖɔ denɔ kɛgɛ batɔmata elete ba bhɛtɛ nɛ tɛkpukpuimɛ.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Tɛsolonianɛ 4:3

Kinu Kpaya tɛpɛpɛɛ sɛ tɛ ba danɛ wɔnɔ shu, sɛ tɛ no shɛ̃nahwɛ azhuzhɔlɛbui shu,

1 Tɛsolonianɛ 4:7

Alasɛ Kpaya adɛ bhɛtɛ lɔ sɛ tɛ bulɔ shu tɛ bhui, pɔ bu za nɛ ɛkpã gɛ ɛlɛ shu bhui.

1 Timotio 2:10

pɔ nɛ ebui dzyɔgo bhɛbhɛtɛ, gɛ aba kɔ badzɛ gɛ ba yɛkɔ shu asɛ ba ba kpɛ kɛtɔkpuesi kɔ Kpaya.

1 Timotio 3:3

atɛ yɛkɔ ishu akɔ bulububuku, atɛ za kanya pɔ azɛ fãã, eti dzi eblapɛ, eti dzi anɔ gɛ aɖɔ ehoeyi.

1 Timotio 6:10

Alasɛ ehoeyi ɖuɖɔ alɛ enu ogu kɔ butsutsɔmɔ kanyaka. Banɔ teli, nɛ ehoeyi pɛpɛɛ gɛganɛɛ mɛ, ba ba lɛla ashɛ alɔ tɛyɛyɛkɛŋa klɛ la yɛkɔ ishutsitsi gelee epu ishu vulovulo.

2 Timotio 3:2

Banɔ ebe ku ishu awɔ̃, banɔ gɛ aɖɔ ehoeyi ishufifeke, ishuawɔ̃ kuku, kɛdɔkukula, butɔ matamata nɛ balɛ beni anɛ balɛ aka lɛ, ahwɛ mahumahu, ishumabhui mabhui,

Titusɛ 1:11

Alasɛ tɛ ba bhɛtɛ alɛ tɛ ba da onugbu, alasɛ baa yɛɛ bapa gelee ganɔ balɛ kɛdɔkɛkasɛ nɛ gɛ kɛma sɛ ba kasɛ nɛ mɛ, klɛ apɛa sɛ tɛ ba mɔ kɛdɔ ganɔ otro mɛ so.

Titusɛ 1:7

Gɛ kɛ tɛ dzi sɛ abhaŋa ahwɛmɛ la yɛkɔ Kpayɛxwɛ nɛ akpɛ, alasɛ tɛ edzi anɔ gɛ kɛpɔ ma yɛ shu—atɛ trɔ anɔa bha, obulo oti ku yɛ zɛazɛa, atɛ yɛkɔ ishu akɔ bulububuku, eti dzi eblapɛ, atɛ za otroedzoe de kɔ kɛdɔmumɔ.

Titusɛ 2:3

Kana tsyɛ, kasɛ badzɛ shishedɛ nɛ dɔ sɛ tɛ bedzi banɔ gɛ ba ba yɛkɔ tili nɛ balɛ buim nɛ ɛkpã mɛ, sɛ tɛ be ti dzi banɔ gɛ baa ga anɔesi ɔdɔgɔsɛ bulu wɛ̃wɛ̃ gelee, pɔ bakasɛ kɛdɔ nɛ gɛ bɔ.

Hebriuanɛ 12:16

No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

1 Petro 5:2

Nɔ dzi Kpaya Ibhoshiha agbɛgbanɔ gɛ alɛ wɔnɔe si, nɔ de axwɛ anasɛ kpayaɔzakɔanɔ— ganɛ sɛ tɛ nɔ bhɛtɛ, pɔ nɔ bhɛtɛ anasɛ gɛ Kpaya apɛasɛ tɛ nɔ za, anɛ kɔba gbɛgbla pɛpɛɛ, pɔ tɛtɛtrɔ kɔ axwɛdɛdɛ,

2 Petro 2:10

Kɛnɛ kɛnu kɛbuigba kɔ nɛ bagɛ balɛ otumu mɛ dɔ pɛpɛɛ anɛ́ ebuizizi bhɛbhɛtɛ klɛ kabhaŋɛŋa kadɛ ba. Idzyititri anɛ̀ ishufifeke, banɔa be te sifu kɔ ishu bhubhui banɔ tɛkukula,

2 Petro 2:14

Balɛ aŋɔhu yuku nɛ aglɔbui, ba dɛ zukɔlɔ ebuikpã bhɛbhɛtɛ, ba wɔɛ bagɛ bebotso akpɛ kɛgba mɛ, benyi kɛdɔ gbɛgbla pɛpɛɛ—ba ɖɔ kibuikpã akpɛ alɛ!

2 Petro 2:3

Nɛ balɛ kɛdɔ gbɛgbla pɛpɛɛ badɔkasɛ ba be zuru nɔ nɛ ebuifɛfatɛ gɛ ba bhɛtɛ. Balɛ kɛpɔŋɛŋa sɔmɛ balɛ shu kukuku, klɛ balɛ butsi tɛ dɔ tra.

Tɛbubukasɛ 2:14

Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Tɛbubukasɛ 2:21

Ɛtɛ kɔ yɛ kibe sɛ tɛ etsyina kitem nɛ yɛ azhuzhɔlɛbui nɛ mɛ, pɔ ataa pɛ asɛ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.

Tɛbubukasɛ 9:21

Be di tsyina kitem nɛ balɛ anɔ yiyi nɛ tsyɛ shu, balɛ kunyã bhɛbhɛtɛ, balɛ azhuzhɔlɛbui ɔdɔgɔsɛ balɛ ezibui nɛ shu.