Efesoanɛ 5:2 - ONUGBÙ NYƐNYÃ VUVƆ

² klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Efesoanɛ 5:2 ပူးပေါင်းရင်းမြစ်များ

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Yohanɛsɛ 13:34

“Ɔshã vuvɔ mɛ ɛkɔ nɔ: Nɔ dɛmɛnɔ ɔhaglɔ. Anasɛ gɛ ɛdɛmɛnɔ nɛ wunɔ, so nɔ dɛmɛnɔ nɛ ɛhaglɔ.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Romanɛ 4:25

Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Romanɛ 8:37

Ao, nɛ ebuia nɛ mɛ petee bu dɛ banɔ gɛ ba ŋɛabha ganɔ anɔ nɛ gɛ aɖɔ lɔ nɛa bha.

1 Kɔrintioanɛ 16:14

Nɔ bhɛtɛ kɛkanyaka nɛ tɛdɛdɛmɛ mɛ.

1 Kɔrintioanɛ 5:7

Nɔ bu bunayekedɔ kuku sɛ tɛ nɔ dzi kɛtsu vuvɔ gɛ bunayekedɔ ma—anasɛ kɛlɛ nɛ gɛ nɔ lɛ. Alasɛ Kristo, bulɔ Tɛfɛflawui obhoshiyi, ba yɛkɔ lɔegu bugu.

2 Kɔrintioanɛ 2:14

Pɔ ahwɛhuhu yɛ nu Kpaya ayɛ, gɛ agbanɔ lɔ kibenyɛbe nɛ Kristo kabhaŋɛŋa kidzogɛga mɛ klɛ ɔganɔ bulɔ abha Kristo tɛ lɛlɔ̃ huhuhu kɔ yɛ kibuititi kana ɔkɔnyɔkɔ.

2 Kɔrintioanɛ 2:15

Alasɛ bu nu Kristo bubɔhuhu kɔ Kpaya gɛ bu lɛ bagɛ bayɛkɛkɔ anɛ bagɛ ba lɛla nɛ shi.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.

Efesoanɛ 4:15

Kɛlɛmazɛlɛ mɛ, kɛgbɛagba tɛɖɔɖɔ anɛ tɛdɛdɛmɛnɔm, bulɔ nɛ kɛbuinyɛbui mɛ bu ba she nɛ yɛ mɛ gɛ enu Kɛtɔkpu, yɛ nu Kristo.

Efesoanɛ 4:2

No vu ishu tɛ nɔ dɔfɔ̃ɔ petee, nɔ dzi banɔ yɛyɔ, nɔ bhɛtɛ terikpo nɛ ɔhaglɔ tɛdɛdɛmɛ nɔ mɛ.

Efesoanɛ 5:15

Di wɔshu abha mɔmɔ, ɔkɛlɛ, kana gɛ ɔlɛ nɛ ɛkpã—ganɛ ansɛ agɛ etetii pɔ anasɛ agɛ etii,

Efesoanɛ 5:25

Badzɛenyine, nɔ dɛmɛ wɔnɔedzini alɛ bui, anasɛ gɛ Kristo adɛmɛ busɔlɛha nɛ bui klɛ ayɛkɔ yɛnahwɛ shu akɔ nɛ ɛlɛ tɔkpu

Filipianɛ 4:18

Ɛtɛ yɛkɛ kɛbhɛbubuya nɛna, klɛ ɔyɛkɔdɛ kuratsyɛ, ɔtsɔ̃nɛ gɛ ɛtɛ yɛkɔ dɔ gɛ nɔ sɛsɛ mɛ denɔ Epafroditu abha. Kɛdɔ nɛ nu anasɛ buŋa nɛ tã gɛ ku Kpaya awɔ̃.

Koloseanɛ 3:14

Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

1 Tɛsolonianɛ 4:9

Ɔtsɔ̃ nɛ kɛdzya mɛ tɛɖuɖɔ shu kɛ dɛ zhã sɛ bu ŋlɔmɛ kɔ nɔ, alasɛ wɔnɔ nahwɛ Kpaya atɛ kasɛ nɔɛ dɔ sɛ nɔ ɖɔ aglɔ.

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

1 Timotio 4:12

Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 8:3

Kpayazakɔanɔ ɖɛɖama kanyaka be klu yɛ sɛ tɛ akɔ kɛdɔ tɛbha ɛyɛmɛyuyɔ anɛ kɛdɔ pupɔɛ, klɛ so kɛ ba dzia awɔ̃hu dzɛdza bui kɔ kɛnɛ tsyɛ tɛyɛkɛ kɛdɔtili tɛ apɔɛ.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Hebriuanɛ 9:23

Kɛza lɛmɛ fɔɔ̃ sɛ, begu beguanɛ tɛ bayɛkɔ plu ebui gɛ leyi owũsise ebui nɛ shu, pɔ owũsise begu nahwɛ ba pãndɛ kesukpa bha yɛ.

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

1 Petro 4:8

Nɛ alɛlɛ petee ede, dɛmɛnɔ nɛ ɔhaglɔ mɔmɔ, alasɛ tɛdɛdɛmɛnɔ la dɛ ebuizizi gelee.

1 Yohanɛsɛ 3:16

Kɛnɛ kɛlɛ kɔ sɛ bu nyi kɛdɔnɔ gɛ tɛdɛdɛmɛnɔ nu: Yesu Kristo ayɛkɔ yɛ ɛkpã nɛ etsye nɛ bulɔɛ tɔkpu. Klɛ alasɛ bulɔ tsyɛ bu yɛkɔ bulɔ ɛkpã nɛ tsye nɛ bulɔ adzyalɛ tɔkpu.

1 Yohanɛsɛ 3:23

Klɛ kɛnɛ kɛlɛ nu yɛ ɛshã: tɛ bu yɛkɛŋa nɛ yɛ Yi Yesu Kristo nyimɛ, klɛ tɛ budɛmɛnɔ bulɔhaglɔ anasɛ gɛ akɔ lɔ ɔshã.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.